З'явіўся новы план стыкоўкі МКС і расейскага карабля «Саюз» з робатам «Фёдарам»
4- 24.08.2019, 19:12
- 12,872
Цяпер «Саюз» прыстыкаваны да вузла службовага модуля «Зорка».
Цэнтр кіравання палётамі праінфармаваў экіпаж МКС аб неабходнасці перастыкаваць карабель "Саюз МС-13", каб вызваліць месца для стыкоўкі "Саюза МС-14" з робатам "Фёдарам" на борце, пішуць РІА “Новости”.
Цяпер "Саюз МС-13" прыстыкаваны да вузла службовага модуля "Зорка". Як заявіў кіраўнік палёту расейскага сегмента Уладзімір Салаўёў, "Саюз МС-14" будзе прасцей прыстыкаваны да гэтага модулю праз "большыя магчымасці для кантролю".
У сваю чаргу, экіпаж "Саюза МС-13" расеец Аляксандр Скварцоў, італіец Лука Пармітана і амерыканец Эндру Морган уночы панядзелка перастыкуюць карабель да модулю "Пошук".
Нестыкоўка "Саюза МС-14"
Расейскі "Саюз МС-14" з робатам "Фёдарам" на борце не змог састыкавацца з МКС сёння раніцай. Падчас збліжэння са станцыяй карабель завіс і пачаў адыходзіць на бяспечную адлегласць - 279 метраў.
Са слоў Салаўёва, падчас стыкоўкі адбыліся раней невядомыя ваганні. Пры гэтым ён адзначыў, што "Саюз" знаходзіцца ў аўтаматычным палёце, апаратура працаздольная.
Крыніца РІА «Новости» ў ракетна-касмічнай галіне ў сваю чаргу расказала, што прычынай няўдачы маглі стаць непаладкі ў сістэме стыкоўкі "Курс" на станцыі.
Новая спроба прыстыкаваць "Саюз МС-14" да МКС запланаваная ўночы ў аўторак. Пасля гэтай аперацыі экіпаж МКС заменіць няспраўны блок сістэмы "Курс".
Ракета-носьбіт "Саюз-2.1а" з караблём "Саюз МС-14" стартавала з Байканура раніцай 22 жніўня. Гэта першы пуск новай ракеты, якая павінен замяніць "Саюзы-ФГ".
Акрамя таго, гэта першы больш чым за 30 гадоў пуск пілатаванага карабля без экіпажа. Адзіны "касманаўт" на борце - чалавекападобны робат "Фёдар". Планавалася, што ён прапрацуе на МКС да 6 верасня, а затым вернецца на Зямлю.