Кот, які ўцёк, вярнуўся дадому праз 11 гадоў блуканняў

Амерыканка была ўпэўненая, што рана ці позна яе гадаванец знойдзецца.

Жыхарка амерыканскага горада Нью-Ёрка знайшла зніклага 11 гадоў таму ката. Пра гэта паведамляе мясцовы тэлеканал ABC7, піша lenta.ru.

Мэгі Уэлз (Maggie Welz) узгадвае, як 11 гадоў таму хтосьці адкрыў уваходныя дзверы яе дома і трохгадовы кот па мянушцы Тыгр (Tiger) збег. «Мы ўсе вельмі перажывалі, - распавядае ўладальніца. - Так выйшла, што праз год мы пераехалі. Мы папрасілі новых гаспадароў дома звязацца з намі, калі яны заўважаць ў двары ката. Але ён так і не вярнуўся».

Амерыканка была ўпэўненая, што рана ці позна яе гадаванец знойдзецца.

У выніку ката знайшла супрацоўніца мясцовага прытулку для жывёл Кэрал О'Конэл (Carol O'Connell). Яна прызналася, што апошнія тры гады да яе дома прыходзіў бяздомны кот. «З кожным годам ён выглядаў усё горш, - адзначыла яна. - Я меркавала, што яго альбо страцілі, альбо выкінулі на вуліцу, альбо ён і зусім быў дзікім».

Са слоў О'Конэл, вясной кот стаў з'яўляцца часцей. Тады жанчына пазычыла на працы сканер і даведалася, што звер з чыпам. Дзякуючы інфармацыі на чыпе, працаўніца прытулку звязалася з гаспадыняй Тыгра і 22 жніўня вярнула яго ў сям'ю Уэлз.

Улады адзначылі, што кот знаходзіўся ў даволі добрым стане, нягледзячы на гады, праведзеныя без гаспадароў.