У бок Аўстраліі рухаецца глыба вулканічнай пароды памерам з Манхэтэн

Велізарны плыт пемзы будзе дрэйфаваць да Аўстраліі ад сямі да 12 месяцаў.

У паўднёвай частцы Ціхага акіяна выявілі пласт вулканічнай пароды плошчай блізу 150 км², які дрэйфуе ў бок Вялікага Бар'ернага рыфа. Пра гэта 26 жніўня паведамляе gordonua.com са спасылкай на тэлеканал CNN.

У амерыканскім касмічным агенцтве NASA паведамілі, што пемзавы плыт утварыўся ў выніку вывяржэння падводнага вулкана ля вострава Тонга.

Паводле папярэдніх ацэнак, пласт пемзы будзе дрэйфаваць да берагоў Аўстраліі 7-12 месяцаў.

Даследчыкі мяркуюць, што за гэты час пласт абрасце караламі і стане месцам рассялення мноства марскіх арганізмаў. Усе яны змогуць натуральным чынам вымыцца з пемзы і патрапіць у Вялікі бар'ерны рыф, біяразнастайнасць у якім актыўна скарачаецца праз змену клімату.

Аўстралійцы Майкл Хоулт і Ларыса Брыл, якія плылі на Фіджы на катамаране, убачылі плыт і апублікавалі яго фота ў Facebook.