Расейскі «Саюз» з робатам Фёдарам з другой спробы прыстыкаваўся да МКС
11- 27.08.2019, 10:25
- 16,838
Першая спроба была няўдалай.
Пілатаваны касмічны карабель "Саюз МС-14" з расейскім робатам Фёдарам на борце прычаліў да Міжнароднай касмічнай станцыі. Транспартнік павінен быў прыстыкаваны да МКС 24 жніўня аднак першая спроба была няўдалай, паведамляе BBC.
У аўторак "Саюзу МС-14" атрымалася прыстыкаваны да агрэгатнага адсеку службовага модуля "Зорка" ў аўтаматычным рэжыме. Стыкоўка адбылася на некалькі хвілін раней запланаванага часу - а 06:08 паводле Менску.
#СоюзМС14: есть касание, есть сцепка 🚀
— РОСКОСМОС (@roscosmos) August 27, 2019
Корабль «Союз МС-14» успешно пристыковался к российскому сегменту Международной космической станции. Экипаж готовится к открытию переходных люков между кораблём и станцией.
Космический корабль доставил на борт около 670 кг сухих грузов pic.twitter.com/xuWswsb4Py
Як паведамілі ў "Раскосмасе", акрамя робата Фёдара "Саюз" даставіў на МКС блізу 670 кг сухіх грузаў.
Сам Фёдар, які вядзе старонку ў "Твітэры", выбачыўся за спазненне. "Прашу прабачэння за затрымку. Затрымаўся ў заторы. Гатовы да далейшай працы", - гаворыцца ў паведамленні.
Прошу прощения за задержку. Застрял в пробке. Готов к продолжению работы. pic.twitter.com/iR277q5Mxo
— FEDOR (@FEDOR37516789) August 27, 2019
NASA пацвердзіла паспяховую стыкоўку.
Docking confirmed! While flying about 250 miles above Eastern Mongolia, an uncrewed Soyuz MS-14 spacecraft successfully arrived and docked to the @Space_Station at 11:08pm ET. Get more details: https://t.co/FRrjhIw77o pic.twitter.com/Mny4KFHUY4
— NASA (@NASA) August 27, 2019
Робат Фёдар павінен вярнуцца на Зямлю 7 верасня. Як распавядаў кіраўнік "Раскосмосу" Дзмітрый Рагозін, у асноўныя задачы робата на гэты палёт уваходзяць перадача тэлеметрыі, вызначэнне параметраў, звязаных з бяспекай палёту і правядзенне экспэрыментаў.
Стыкоўка з затрымкай
Паводле плану "Саюз МС-14" з робатам Фёдарам павінен быў прыстыкаваны да МКС у суботу, 24 жніўня. Карабель падышоў да станцыі на адлегласць менш за 100 метраў, аднак не змог працягнуць збліжэнне праз праблемы з радыёабсталяваннем, якія задзейнічаныя ў рабоце сістэмы "Курс". У выніку экіпаж МКС адвёў Транспартнік ад станцыі на бяспечную адлегласць.
Як заявіў кіраўнік палёту расейскага сегмента МКС Уладзімір Салаўёў, падчас стыкоўкі адбыліся "раней не вядомыя ваганні".
"Усё было нармальна прыкладна да 200 метраў, а далей у нас пайшлі раней невядомыя ваганні, і на этапе прычальвання мы зразумелі, што ў аўтаматычным рэжыме састыкаваць не атрымаецца. Фёдара мы пакуль, на жаль, не навучылі ручным рэжымам", - паведаміў ён журналістам.
Тады стыкоўку касмічнага карабля з Фёдарам пастанавілі правесці да іншага стыкоўнага вузла - на модулі “Зорка”. Для гэтага ў панядзелак раніцай траім касманаўтам давялося ў ручным рэжыме перагнаць прыстыкаваны да "Зоркі" карабель "Саюз МС-13" да модулю "Пошук", каб вызваліць месца для "Саюза МС-14".