22 верасня 2019, Нядзеля, 18:10
Мы ў адной лодцы
Рубрыкі

«Еўравізія-2020» пройдзе ў Ратэрдаме

«Еўравізія-2020» пройдзе ў Ратэрдаме

Да апошняга моманту горад вёў спрэчку з Маастрыхтам.

Нідэрландскі Ратэрдам у 2020 годзе прыме ў сябе 65-ы песенны конкурс «Еўравізія». Такую пастанову прынялі тэлекампаніі-гаспадыні агляду супольна з Еўрапейскім вяшчальным саюзам (EBU) і радай кіраўнікоў мерапрыемства, гаворыцца ў пятніцу, 30 жніўня, у атрыманай DW заяве.

«Мы хацелі б падзякаваць усім гарадам, якія прэтэндавалі на правядзенне песеннага конкурсу «Еўравізія» ў 2020 годзе, асабліва Маастрыхту. Праз ягоную ўзорную заяўку нам было надзвычай складана прыняць канчатковую пастанову», - адзначыў выканаўчы прадусар «Еўравізіі» Юн Ула Сан.

Генеральная дырэктарка «Фонду грамадскага вяшчання Нідэрландаў» (NPO) Шула Рэйксман у сваю чаргу назвала Ратэрдам «прадпрымальным і творчым горадам, які выдатна адпавядае характару мерапрыемства».

Першы і другі паўфіналы «Еўравізіі» адбудуцца 12 і 14 траўня, фінал - 16 траўня.

Нідэрланды пятым разам прымаюць конкурс, ён ужо праходзіў у Хілверсюме, Амстэрдаме і двойчы - у Гаазе. Краіна ўдзельнічае ў «Еўравізіі» з яе першага конкурсу, з 1956 года.

Сёлета перамогу ў Тэль-Авіве атрымаў галандзец Дункан Лорэнс з трагічнай баладай Arcade.