23 жнiўня 2019, Пятніца, 6:22
Мы ў адной лодцы
Рубрыкі

Як ідуць справы з таніроўкай у Беларусі і суседніх краінах?

13
Як ідуць справы з таніроўкай у Беларусі і суседніх краінах?
ФОТА: DRIVE2.RU

У пэўны перыяд з цёмнымі шыбамі ў нашай краіне змагаліся самым жорсткім чынам.

Як вядома, Беларусь і Расея ў плане заканадаўчых ініцыятыў - гэта як «мы з Тамарай ходзім парай». Раз-пораз нашы ўлады пераймаюць адна ў адной ідэі, нагледзеўшыся на суседні досвед. Адна з апошніх гісторый - таніроўка, якая набіла аскому, піша abw.by.

Улетку 2019 года ў Дзярждуму РФ унеслі законапраект, згодна з якім у суседняй краіне аўтаўладальнікаў больш не будуць штрафаваць за таніраваныя шыбы. Ініцыятары закона матывуюць гэта тым, што ад таніроўкі шыбы карысць ёсць, а шкоды нібыта няма.

У беларускіх уладаў пазіцыя па-ранейшаму катэгарычная: таніраваць шыбы плёнкай строга забаронена.

ПДР, пералік няспраўнасцей:

37. На шыбах і (або) у аконных праёмах транспартнага сродку ўсталяваныя не прадугледжаныя яго канструкцыяй дадатковыя прадметы або нанесеныя пакрыцці, у тым ліку плёначныя.

Пад строгай забаронай

У пэўны перыяд з цёмнымі шыбамі ў нашай краіне змагаліся самым жорсткім чынам. Яшчэ 10 гадоў таму пад забаронай была нават завадская таніроўка.

З 1 красавіка 2006 года да 17 снежня 2009-га ў Беларусі была забароненая эксплуатацыя аўто з таніраванымі шыбамі, у тым ліку і заводскімі. Выключэнне - аўто, зарэгістраваныя ў краіне да 1 красавіка 2006 года. Тады для прадаўцоў машын з Еўропы і ЗША наяўнасць завадской таніроўкі станавілася галаўным болем. Каб паставіць аўтамабіль на ўлік, неабходна было замяніць таніраваныя шыбы празрыстымі.

КРЫНІЦА: ABW.BY

Сітуацыя напружвала аўтааматараў. Улетку 2009 года было сабрана амаль дзевяць тысяч подпісаў за скасаванне забароны.

Праз некалькі дзён пасля падачы калектыўнага звароту з заявай выступіў тагачасны кіраўнік МУС Анатоль Куляшоў: «Я за абсалютную празрыстасць. Бяспека - перш за ўсё».

Аднак не менш амаль праз паўгода таніроўку дазволілі, але толькі завадскую.

Магчыма, да 17 снежня 2009 года Беларусь была адзінай краінай у свеце, дзе цёмныя завадскія шыбы былі па-за законам. Хоць з упэўненасцю 100% сцвярджаць не бярэмся як мінімум таму, што ў свеце ёсць яшчэ Паўночная Карэя. Але тое , што ва ўсіх суседніх краінах плёначная таніроўка дазволеная, - факт.

У РФ і цяпер дазволена таніраваць шыбы, агавораная толькі ступень святлопрапускання лабавой і бакавых (не менш 70%). На плёнку забароны няма, хоць практыка паказвае, што плёнка выканаць гэтыя абмежаванні не ў стане. Затое заднюю паўсферу аўтамабіля можна «закласці» нават руберойдам.

У новым законапраекце прапануюць прыбраць не тое, каб само абмежаванне, а штраф за яго парушэнне.

Аўтары законапраекта тлумачаць сваю ініцыятыву тым, што таніраванне аўтамабільных шыбаў - міжнародная практыка, закліканая павысіць не толькі камфорт, але і бяспеку пасажыраў.

Таніраванне задняй паўсферы дазволенае ў ЕЗ і Украіне. Праўда, напрыклад, у Польшчы забароненая «люстраная» таніроўка.

Ва Украіне існуюць наступныя нормы:

для лабавой шыбы дазволеная паласа ўверсе з прапускной здольнасцю, не меншай за 75%;

бакавыя шыбы - поўная таніроўка з прапускной здольнасцю, не меншай за 70%;

для задніх шыбаў абмежаванні не прадугледжаныя.

Стандартам забароненае выкарыстанне люстраной таніроўкі для ўсіх тыпаў транспартных сродкаў.

Цікава, што праводзіць замеры святлапрапускальнасці ў суседняй краіне можна толькі пры выкананні шэрагу ўмоў:

тэмпература +20°С (магчымыя адхіленні ў абодва бакі не большыя за 5°С);

вільготнасць паветра 40-80%;

атмасферны ціск 80-106 кПа.

Жалюзі можна, плёнку - не

Але вернемся ў Беларусь. Без малога 10 гадоў у нас дазволеныя толькі завадское танаванне шыбыаў і ўсталяваныя заводам-вытворцам шторкі.

За выключэннем:

нанесеных на верхнюю частку ветравой шыбы транспартнага сродку плёнак, пакрыццяў або напыленне шырынёй, не большай за 140 мм, шторак на вокнах аўтобуса, жалюзі або шторак на задняй шыбе легкавога аўтамабіля пры наяўнасці ў іх з абодвух бакоў вонкавых люстэркаў задняга выгляду;

транспартных сродкаў, якія выкарыстоўваюцца для транспартнага абслугоўвання, суправаджэння і гарантавання бяспекі службовых асоб, якія падлягаюць дзяржаўнай ахове ў адпаведнасці з заканадаўчымі актамі.

Атрымліваецца, што менавіта плёнку наносіць нельга, нават на заднюю шыбу, хоць шторку ўсталяваць усё ж можна, нават паставіць жалюзі. Чым выкліканая такая нелюбоў да плёнкі, не зразумела.

Пры гэтым машыны з танаванымі шыбамі, і шторкамі на нашых дарогах усё ж сустракаюцца. Пацвярджаюць гэта і вынікі нашага апытання.

КРЫНІЦА: ABW.BY

У 10% рэспандэнтаў на шыбе аўто ёсць плёначная таніроўка. Самастойна ўсталяваныя шторкі - амаль у 24% апытаных. Завадская таніроўка - у кожным пятым аўто. У 37% на шыбе няма ні шторок, ні таніроўкі.

Як бачым, попыт на плёначную таніроўку і асабліва шторкі ёсць, нават нягледзячы на забароны.

Пацверджання довадаў няма…

У першай палове лета беларусы стваралі петыцыю, у якой прасілі зняць забарону на сонцаахоўныя шторкі ў аўтамабілях хоць бы ў летні перыяд.

Аўтар петыцыі спадзяваўся на тое, што наяўнасць шторак на вокнах зніжае тэмпературу ў салоне, што пазітыўна ўплывае на пасажыраў.

У ДАІ тым часам адказалі, што не валодаюць дакладнай інфармацыяй, якая пацвярджае довады аўтара пра ўзаемасувязь паміж устаноўкай шторак і тэмпературай у салоне.

Дарэчы, інфармацыі і статыстыкі аб тым, што таніроўка негатыўна ўплывае на бяспеку дарожнага руху, у ДАІ таксама няма. Але гэта ўжо зусім іншая гісторыя.

У размове пра таніроўку і шторкі мы не маглі не спытаць аўтааматараў: ці варта ў нашай краіне памяняць стаўленне да таніроўкі?

КРЫНІЦА: ABW.BY

Пераважная большасць - 63% - выбрала варыянт: «Дазволіць плёначную таніроўку і шторкі па прыкладу Еўропы».

На другім месцы ў папулярнасці варыянт: «Дазволіць таніраваць усе шыбы, акрамя лабавой». Так адказалі 23% апытаных.

6% рэспандэнтаў прапануюць дазволіць усталёўваць шторкі, пакінуўшы плёначную таніроўку пад забаронай.

Існым становішчам спраў, задаволеныя толькі 4% удзельнікаў апытання.

Крыху больш за 1% прытрымліваецца меркавання былога міністра ўнутраных спраў Беларусі Куляшова і выступаюць за поўную забарону ўсякай таніроўкі.

Як бачым, попыт на таніроўку і шторкі ў Беларусі захоўваецца, нават нягледзячы на забароны. Якіх-небудзь абгрунтаваных довадаў аб негатыўным уплыве таніроўкі на бяспеку няма. Ва ўсіх без выключэння суседніх краінах плёначная таніроўка і шторкі не забароненыя, але мы, як той казаў, ідзем іншым шляхам.