26 жнiўня 2019, панядзелак, 4:37
Мы ў адной лодцы
Рубрыкі

Названыя аўтамабілі, якія з часам не іржавеюць

23
Названыя аўтамабілі, якія з часам не іржавеюць

Супрацоўнікі Шведскага інстытута карозіі правялі маштабнае даследаванне.

У рамках даследавання яны вызначылі аўтамабілі, у найбольшай ступені ўстойлівыя да карозіі, паведамляе avtovod.com.

Спецыялісты прааналізавалі вырабленыя ў 2003-2005 гадах аўтамабілі, якія выкарыстоўваліся на дарогах, што рэгулярна апрацоўваюцца антыгалалёднымі рэчывамі - апошнія, як лічыцца, у значнай ступені паскараюць карозію кузава.

Самымі надзейнымі ў плане каразійнай стойкасці машынамі, вырабленымі ў 2003-2005 гадах, аказаліся мадэлі Audi A4, Mercedes C-class, Volkswagen Golf, Opel Astra, Renault Megane і Volvo 70-Series. Акрамя таго, нядрэнна зарэкамендавалі сябе Nissan Micra, Mitsubishi Carisma, Saab 9-5 і Skoda Octavia.

Няважная ўстойлівасць да карозіі была выяўленая ў мадэляў Mazda 6, Ford Focus, Ford Mondeo і Mercedes E-class.

Сярод аўтамабіляў 2004-2005 гадоў выпуску варта звярнуць увагу на Nissan Micra, Renault Megane, Volvo 40-series, Ford Mondeo, Opel Astra і Citroen C5 - яны, як паказала даследаванне, лепш за ўсё падыходзяць для выкарыстання на дарогах, што апрацоўваюцца антыгалалёднымі сродкамі.

Не прайшлі праверку Ford Focus, Kia Picanto, Toyota Corolla, Meredes A-class і Volkswagen Passat.

Спецыялісты асабліва падкрэслілі, што аўтамабіляў, якія зусім не гніюць, не існуе - нават мадэлі, якія лічацца ўстойлівымі да карозіі, могуць падвесці, калі гаворка ідзе пра іх перавыпуск.