Ізраільскія ціхаходкі цудам выжылі на Месяцы

Малюсенькія бесхрыбетныя выжылі падчас катастрофы месяцахода.

Ціхаходкі, якія лічацца самымі жывучымі істотамі на Зямлі, былі на борце ізраільскага месяцаход «Бярэшыт», які разбіўся пры пасадцы ў красавіку сёлета, піша BBC.

Амерыканскі прадпрымальнік-інаватар Нова Співак, кіраўнік біялагічнай праекта «Місія Каўчэг», які ў супрацоўніцтве са SpaceIL і «Аэракасмічнай прамысловасцю Ізраіля» праводзіў эксперымент і адправіў ціхаходак на Месяц, размясціўшы іх на борце ізраільскага апарату, абсалютна ўпэўнены - яны выжылі ў катастрофе і знаходзяцца цяпер на паверхні спадарожніка Зямлі.

Гэта адзіныя з вядомых навуцы істот, якія могуць перанесці замарожванне да абсалютнага нуля і нагрэў да 150 градусаў Цэльсія, моцную радыяцыю, адсутнасць кіслароду і вады, прычым могуць выжываць так доўгія гады і нават дзесяцігоддзі. Ціхаходкі не прыстасоўваюцца да экстрэмальных умоў, а ўпадаюць у крыптабіёз - глыбокую спячку. У гэтым стане, вельмі падобным на смерць, жыццядзейнасць прыпыняецца, хуткасць абмену рэчывы ў іх падае да 0,01% ад нармальнай.

Пры памеры менш за 1 міліметр «водны мядзведзь» валодае галавой і васьмю нагамі. У жорсткіх умовах жывёла губляе і галаву, і канечнасці, але затым здольная іх рэгенераваць.

Ціхаходку можна высушыць. Пры дэгідратаціі ў яе клетках вада замяшчаецца бялком, што захоўвае клетцы жыццяздольнасць. Каб пасля гэтага ажывіць бесхрыбетнае (генетычна блізкае да круглага чарвяка), досыць некалькіх кропель вады.

У стане крыптабіёза сотні ціхаходак і былі змешчаныя навукоўцамі на борт касмічнага апарата «Бярэшыт». Частка з іх была заплаўленая ўнутр штучнага бурштыну, частка - прылепленая на каптонавы скотч, што вытрымлівае вялікія перапады тэмператур.

Мы ўпэўненыя, што шанцы на выжыванне ціхаходак [на паверхні Месяца] вельмі высокія», - заявіў Співак.

Яго фонд складае запасную калекцыю генафонду жывых істот нашай планеты, рассылаючы біяўзоры ў розныя месцы Сонечнай сістэмы, каб быў шанец адрадзіць іх у выпадку раптоўнай катастрофы на Зямлі.

На «Бярэшыце» таксама ляцеў на Месяц банк навуковых звестак пра гісторыю чалавецтва і будову чалавечай ДНК, запісаныя на дыск аб'ёмам, аналагічным 30 млн папяровых старонак.

Паколькі «водныя мядзведзі» яшчэ ў 2007 годзе паспяхова выжылі пры эксперыменце ў адкрытым космасе, яны сталі лепшымі - і адзінымі - кандыдатамі на ўдзел у праекце «Місія Каўчэг».

«Ціхаходкі ідэальна падыходзяць для гэтай задачы - яны мікраскапічныя, шматклетачныя і адны з самых цягавітых істот на Зямлі», - кажа Нова Співак.

Але наўрад ці ціхаходкі, што падалі на месяцовую паверхню пры аварыі «Бярэшыта», разбегліся па ёй і асвойваюць месячныя кратары. Каб выйсці з спячкі, ім неабходны кантакт з вадой.

Тэарэтычна магчыма пры якой-небудзь высадцы на Месяц у будучыні сабраць кавалкі бурштыну і клейкай плёнкі з ціхаходкай, прывезці назад на Зямлю і вывучыць наступствы знаходжання на Месяцы для жывога арганізма.

Пасля мінулых эксперыментаў з выхадам у адкрыты космас ціхаходкі нават прыносілі здаровых нашчадкаў.