Амаль 500 аўтобусаў працуюць у Польшчы на звадкаваным прыродным газе
2- 8.08.2019, 13:07
- 9,280
Аўтобусы, якія працуюць на звадкаваным прыродным газе, таннейшыя за дызельныя.
Кампанія PGNiG Obrót Detaliczny паставіць звадкаваны прыродны газ 54 гарадскім аўтобусам у Варшаве, якія належаць фірме Arriva Bus Transport Polska, паведамляе «Польскае радыё».
Прадстаўнікі абедзвюх кампаній падпісалі васьмігадовы кантракт на пастаўку 22 мільёнаў кубаметраў звадкаванага прыроднага газу.
Цяпер у сталіцы Польшчы налічваецца 180 аўтобусаў на ЗПГ. У той жа час фірма MZA Warszawa плануе пашырыць свой парк.
Кіраўнік PGNiG Obrót Detaliczny Хенрык Муха сказаў, што рынак транспартных сродкаў, якія працуюць на звадкаваным прыродным газе, у Польшчы з кожным годам расце. Ён таксама адзначыў больш нізкі кошт набыцця такіх аўтобусаў у параўнанні з дызельнымі.
Паводле ацэнак PGNiG Obrót Detaliczny, блізу 500 аўтобусаў на звадкаваным прыродным газе ездзяць па Польшчы, і да канца наступнага года іх колькасць павялічыцца да больш чым 600.