Фотафакт: Як выглядае комплекс С-300, які ўчора перакуліўся пад Полацкім

Апублікаваныя кадры чарговага НЗ у беларускім войску.

Учора пад Полацкам адбылося дарожнае здарэнне з удзелам ракетнага комплексу С-300.

«Калона баявой тэхнікі адной з часцей Полацкага гарнізона рухалася ў пункт пастаяннай дыслакацыі пасля выканання вучэбна-баявых задач, - распавяла афіцыйная прадстаўніца Мінабароны Наталля Гаўрусік. - Адзін з кіроўцаў, вайсковец тэрміновай службы, кіруючы комплексам С-300 з макетамі ракет, не справіўся з кіраваннем і з'ехаў з дарогі. Хуткасць была невялікая - 30 км/г. Таму ніхто не пацярпеў, калі не ўлічваць нумарны знак».

Тэлеграм-канал «Беларусь галаўнога мозгу» апублікаваў фота ракетнага комплексу С-300, які ўчора перакуліўся пад Полацкам.

«Вось той самы С-300, які ўчора перакуліўся пад Полацкам. Фота ўжо выцягнутага», - піша тэлеграм-канал.