29 сакавiка 2024, Пятніца, 14:07
Падтрымайце
сайт
Сім сім,
Хартыя 97!
Рубрыкі

«Абудзіць маладых беларусаў»

«Абудзіць маладых беларусаў»

Рэліз беларускамоўнага hip-hop-сінглу «BOSS».

9 жніўня праект «ZRABI» прэзентаваў дэбютны беларускамоўны сінгл «BOSS». Падрабязнасці прэм’еры «Белсату» распавяла салістка праекту Барбара Гузарэвіч.

Як адзначыла маладая спявачка, сваймі спевамі яна паспрабуе «абудзіць беларусаў, каб людзі зразумелі, што беларуская мова сучасная, што яна можа гучаць крута, што на ёй можна чытаць рэп, ёй можа карыстацца ў сённяшнім дне».

Хіп-хоп жа суразмоўца belsat.eu абрала як «самы сучасны стыль музыкі, які найбольш цікавы моладзі». А таму і найбольш зручны для таго, каб данесці сваю думку маладым беларусам, якія лічаць, што «наша мова непрыгожая і не стылёвая».

«Для першага разу, здаецца, нядрэнна», – распавяла Барбара Гузарэвіч.

Офлайнавых прэзентацыяў пакуль не плануецца, бо пакуль гатовая цалкам толькі адна кампазіцыя. Зараз рыхтуюцца яшчэ тры спевы, але гатовыя яны будуць «няхутка».

Тым не менш, спявачка не выключыла, што пазней прэзентацыі нажыва таксама магчымыя.

Напісаць каментар

Таксама сачыце за акаўнтамі Charter97.org у сацыяльных сетках