Кошты фотаапараты знізяцца праз сенсацыйнае адкрыццё навукоўцаў

Навукоўцы развязалі векавую праблему, якая прывядзе да стварэння больш танных і якасных лінзаў.

Аптычныя тэхналогіі моцна эвалюцыянавалі за апошнія 100 гадоў. Але ўвесь гэты час існавала адна неразвязаная праблема, якая доўга пераследавала галіну фатаграфіі. Цяпер, дзякуючы сенсацыйнаму адкрыццю мексіканскага фізіка, у вытворцаў фотаапаратаў стала значна менш праблем. Пра новае вынаходства ў галіне оптыкі паведамляе segodnya.ua са спасылкай на часопіс Applied Optics.

Аб'ектывы камер і іншыя аптычныя сістэмы вырабляюцца з сферычных паверхняў у асноўным таму, што тыя лягчэй фармуюцца. Аднак пры гэтым узнікае праблема, якая заключаецца ў тым, што светлавыя прамяні, якія трапляюць на паверхню па-за цэнтра, пераламляюцца або адлюстроўваюцца ў большай ці меншай ступені, чым прамяні, якія трапляюць у мёртвы пункт, што прыводзіць да праблемы, што завецца «сферычнай аберацыяй» - несупадзенне фокусаў для прамянёў святла, якія праходзяць на розных адлегласцях ад аптычнай восі.

Вытворцы аб'ектываў гадамі спрабавалі ліквідаваць гэты эфект, выкарыстоўваючы асферычныя лінзы. Гэта ў пэўнай ступені спрацоўвала. Але пры найменшым канструктыўным змяненні ў вытворчасці даводзілася кожны раз нанова ствараць лінзы для карэкціроўкі, што негатыўна адбівалася на кошце і грувасткасці канструкцыі.

Рафаэлю Гансалесу з мексіканскага Тэхналагічнага інстытута ў горадзе Мантэрэй атрымалася стварыць неверагодна складаную формулу, якую можна выкарыстоўваць для поўнага ўстаранення ўсіх сферычных аберацый пры вырабе аб'ектыва. Пры тэставанні 500 розных светлавых прамянёў формула паказала сярэднюю дакладнасць 99,99999999999%.

Чакаецца, што адкрыццё навукоўца скароціць выдаткі на вытворчасць аб'ектываў і можа прывесці да стварэння менш складаных аб'ектываў, якія будуць больш выразнымі і з меншай колькасцю элементаў. Гэта таксама можа аказаць уплыў на іншыя вобласці выяваў, бо паспрыяе стварэнню больш выразных мікраскопаў і палепшаных тэлескопаў для назірання ў далёкім космасе, а таксама больш якасных фотакамер у смартфонах.