Пенсійны ўзрост у Беларусі: Што памяняў Лукашэнка
16- 1.09.2019, 9:32
- 26,668
«Заканадаўства» ў гэтым пытанні ўвесь час змяняецца.
Пенсійны ўзрост у Беларусі на 1 ліпеня 2019 года ўстаноўлены на адзнацы 56 гадоў і 6 месяцаў для жанчынаў, 61 год і 6 месяцаў для мужчынаў. Пенсійная выплата паводле ўзросту прызначаецца жанчынам, народжаным у першай палове 1963 г., і мужчынам, народжаным у першым паўгоддзі 1958 года, піша партал «Фінансы ў Беларусі».
Указам № 137 «Аб удасканаленні пенсійнага забеспячэння», падпісаным Лукашэнкам у красавіку 2016 года, было заканадаўча зацверджана паступовае павышэнне пенсійнага ўзросту ў суме на 3 гады. З 01.01.2017 г. цягам 6 гадоў штогод дадаецца паўгода, і да 2022 г. мужчыны будуць сыходзіць у 63, а жанчыны – у 58 гадоў.
Мінімальны стаж
Пры прызначэнні выплатаў улічваюцца:
колькасць гадоў;
выпрацоўка страхавога стажу;
дата звароту.
Страхавы стаж (мінімальны) – гэта час, цягам якога налічваліся абавязковыя ўнёскі ў ФСАН (фонд сацыяльнай абароны насельніцтва). У цяперашнім, 2019 годзе ён складае 17 гадоў і далей будзе кожныя дванаццаць месяцаў павялічвацца на паўгода.
У гэты перыяд не залічваецца:
дэкрэтны адпачынак;
служба ў арміі;
навучанне і інш.
Да 2025 года мінімальны страхавы стаж складзе роўна 20 гадоў. Калі няма мінімальнага стажу, налiчваецца сацыяльная пенсія: мужчынам старэйшым за 65 гадоў, і жанчынам старэйшым за 60 гадоў.
Калі чалавек за 12 месяцаў да дасягнення патрэбнага ўзросту страціў працу, то яму замест дапамогі ў беспрацоўі могуць прызначыць пенсію датэрмінова. Але пры ўмове вялікага агульнага стажу: у жанчынаў – 33 гады, у мужчынаў – 38 гадоў.
Для льготнікаў абавязковы ўзрост таксама паэтапна павышаецца да трох гадоў. Тыя пенсіянеры, якія прадаўжаюць працаваць, могуць адмовіцца ад прызначанай сумы, каб у будучыні атрымліваць добрыя пенсійныя выплаты. Узнагароджанне складае ад 6 да 14 адсоткаў, і за 60 месяцаў можна падняць суму амаль у два разы. Для гэтага трэба проста напісаць заяву.
Для інвалідаў, шматдзетных маці прадугледжаныя спецыяльныя ўмовы і кожны выпадак разглядаецца індывідуальна. Калі чалавек не трапляе пад зацверджаную катэгорыю, то яго пытанне таксама разглядаецца ў індывідуальным парадку.
Заканадаўства ўвесь час змяняецца – з 1992 да 2018 г. у Закон «Аб пенсійным забеспячэнні» ўнесеныя 34 дапаўненні і змены. Таму, каб разабрацца ва ўсіх новаўвядзеннях і даведацца сваю дакладную дату выхаду на заслужаны адпачынак, неабходна пракансультавацца ў спецыялістаў сацзабеспячэння.