Навукоўцы выявілі яшчэ адзін мацярык на Зямлі

Мапы свету могуць змяніцца.

На сучасных мапах свету можа з'явіцца яшчэ адзін кантынент, які на гэты момант хавае Сусветны акіян. Пра гэта заявілі навукоўцы з Новай Зеландыі ў сваім даследаванні, піша РБК са спасылкай на выданне Vesti.

Яны адзначаюць, што выспы Новая Зеландыя і Новая Календонія на гэты момант з'яўляюцца самымі высокімі месцамі мацерыка і параўналі іх з айсбергам, у якога значная частка схаваная пад вадой. Астатнія 94% кантынента на гэты момант знаходзяцца пад вадой.

Адмыслоўцы з Універсітэта Велінгтона, Новая Зеландыя, мяркуюць, што частка сушы адкалолася ад старажытнага мацерыка Гандаваны. Гэта магло адбыцца блізу 80 мільёнаў гадоў таму. І кантынент, які застаўся пад вадой - павінен называцца Зеландыяй.

«Калі б мы маглі выцягнуць корак і спусціць ваду ў акіяне, стала б відавочна, што там цягнуцца горныя ланцугі, і перад намі паўстаў бы цэлы мацярык», - патлумачыў адзін з аўтараў даследавання, геолаг Нік Морт Мер.

Навукоўцы прадставілі сваё даследаванне для абмеркавання ў навуковай супольнасці і калі гэтая гіпотэза атрымае адабрэнне, то новы кантынент, Зеландыя, можа з'явіцца на ўсіх геаграфічных мапах свету.