20 верасня 2019, Пятніца, 22:06
Мы ў адной лодцы
Рубрыкі

Не расейскі Штырліц

1
Не расейскі Штырліц

Што гэта за шпіёнскае гняздо ў адміністрацыі Пуціна?

Краіне, выхаванай на «17 імгненнях вясны», дзе палкоўнік Штырліц сам сарваў планы ворага, улады ўчора кінуліся тлумачыць, што меркаваны агент СІА Смалянкоў з Адміністрацыі прэзідэнта Пуціна - нязначная постаць. Вельмі смешна, піша telegram-канал «СерпомПо».

Siloviki ў Тelegram таксама зліваюць: маўляў, плюньце вы на гэтага Смалянкова. Ён быў усяго толькі «кур'ерам», таямніц ніякіх не ведаў, таму ні мы, ні амэрыканскія нашы калегі не турбуемся з нагоды яго выкрыцця.

Але пытанне ў іншым. Кур’ер, дыпкур’ер, спрактыкаваны выведнік або дробны шпег - чаму расейскія ўлады не абвясцілі аб правядзенні адкрытага расследавання ў дачыненні да Смалянкова? Чаму няма публічных тлумачэнняў, як наогул шпег мог прасякнуць у адміністрацыю Пуціна?

І гэта ж не першы выпадак. Два месяцы таму быў выкрыты і арыштаваны іншы агент - памочнік паўнамоцнага прадстаўніка прэзідэнта ва Уральскай федэральнай акрузе Цуканава. Вараб'ёў нібыта ўдаваў расейскія сакрэты палякам, Смалянкоў - амэрыканцам.

Што гэта за шпіёнскае гняздо ў адміністрацыі прэзідэнта? Як гэта наогул стала магчыма? Дзе адстаўкі ў ФСБ? Хто канкрэтна нясе адказнасць у гэтай службе за тое, што доступ да дзяржаўных сакрэтаў атрымаў магчымы агент СІА, які схаваўся цяпер з сям'ёй у трохпавярховым доме ў Віргініі?

Чаго наогул вартая гэтая «вертыкаль улады» з апорай на «бяспеку», якая так ганебна спракудзілася за 200 мэтраў ад Лубянкі?

Нічога яна не вартая.