Нідэрланды ўзнялі пытанне аб абмене Цемаха сярод паслоў ЕЗ
36- 12.09.2019, 12:12
- 11,789
Ці будуць далейшыя перамовы ў гэтым пытанні?
Нідэрланды на сустрэчы амбасадараў краін Еўразвязу ў Брусэлі абмеркавалі пытанні абмену Украінай былога баевіка групоўкі «ДНР» Уладзіміра Цемахa.
Як паведамляе «Европейская правда», пра гэта напісаў у Twitter брусэльскі карэспандэнт «Радыё Свабода» Рыкард Ёзвяк.
«Учора галандцы ўзнялі пытанне аб Цемаху сярод паслоў ЕЗ, выказаўшы вялікую занепакоенасць, і крытычна адгукнуліся аб тым, што гэтае пытанне не было згаданае ў заяве ЕЗ. Але наўрад ці цяпер будуць далейшыя перамовы ў гэтым пытанні», - напісаў Ёзвяк.
the Dutch brought up the issue of #Tsemakh among EU ambassadors yesterday expressing great concern & were critical that it wasn't mentioned in the EU statement. but it is unlikely that there will be further talks on this for now. #Ukraine #Russia
— Rikard Jozwiak (@RikardJozwiak) September 12, 2019
Нагадаем, 5 верасня суддзі Апеляцыйнага суда горада Кіева адпусцілі Цемаха пад асабістае абавязацельства. Пракуратура патрабавала пакінуць падазраванага пад вартай, бо ён можа ўцячы.
Цемах кіраваў так званай «супрацьпаветранай абаронай» у раёне, дзе збілі самалёт «малайзійскіх авіяліній».
7 верасня Цемах паляцеў у РФ у рамках абмену палоннымі з Украінай у фармаце 35 на 35.
Кіраўнік МЗС Нідэрландаў Стэфан Блок у лісце парламенту заявіў, што Нідэрланды змаглі дапытаць Цемаха паводле справы МН17 і прасілі Украіну не выдаваць яго Расеі. Пракуратура Нідэрландаў папрасіла РФ выдаць Цемаха.
