Аляксандр Лазараў: Кажу людзям у Баранавічах, як важна захаваць незалежнасць
- 12.09.2019, 14:45
- 9,389
Актывіст «Народнай Грамады» апавёў пра першы пікет для збору подпісаў у сваім горадзе.
11 верасня ў Баранавічах адбыўся першы пікет для збору подпісаў у падтрымку актывіста «Народнай Грамады» Аляксандра Лазарава.
Сваімі ўражаннямі актывіст падзяліўся з Charter97.org:
– Уражанне ад першага пікету для збору подпісаў – станоўчае. Людзей вабіць наша сімволіка, яны падыходзілі, цікавіліся.
Будзем выстаўляць пікеты для збору подпісаў на гарадскім рынку, дзе заўсёды шматлюдна. Спадзяюся на прыезд у наш горад Міколы Статкевіча, які цяпер пачаў тур па краіне, каб падтрымаць кампанію збору подпісаў за актывістаў "Народнай грамады".
– А чаму Вы асабіста надумалі ўдзельнічаць у гэтай палітычнай кампаніі?
– Скажу шчыра: непакоіць лёс Радзімы – каб Беларусь не страціла незалежнасць. Гэта галоўная прычына. Кожны патрыёт цяпер павінен думаць, як захаваць наш суверэнітэт. Таму я і ўдзельнічаю ў гэтай кампаніі.
Я кажу пра гэта людзям у Баранавічах, якія да мяне падыходзяць. Галоўны сігнал маіх пікетаў для збору подпісаў: Беларусь павінна захаваць незалежнасць і не патрапіць у пастку Масквы.