Глабальнае пацяпленне можа выклікаць масавае перасяленне народаў

Неўзабаве пятая частка насельніцтва Зямлі не зможа заставацца ў сваіх краінах праз спёку.

Даследчыкі Стэнфардскага ўніверсітэта вызначылі, што за наступныя 30 гадоў 1,5 мільярда людзей стануць змушанымі перасяленцамі праз кліматычныя змены - жыхары тэрыторый вакол экватара проста не змогуць жыць у створаных умовах, паведамляе hightech.

Пры гэтым, эканамічны разрыў паміж беднымі і багатымі вырасце на 25%, а таксама абвострацца канфлікты і нестабільнасць у свеце.

«Працэс перасялення праз клімат ужо пачаўся, але цяпер людзі афіцыйна паказваюць прычыны, якія могуць падпасці пад абарону ў якасці падставы для надання прытулку», - распавёў адвакат Цэнтра адукацыі і юрыдычных паслуг для бежанцаў і імігрантаў Джанвіта Грыека.

Пры гэтым, у сучасным свеце не існуе такога паняцця, як кліматычныя перасяленцы, а таму ніводная краіна ў свеце не абавязаная прымаць такіх мігрантаў, у адпаведнасці з міжнароднай канвенцыяй ААН. Згодна з дакументам, права на статус бежанца маюць людзі, якія мяняюць месца жыхарства праз абгрунтаваны страх зазнаць пераслед праз сваю расу, рэлігію, нацыянальнасць, прыналежнасць да пэўнай сацыяльнай групы або палітычных перакананняў.

«Тое, што ў вашай краіне стала занадта горача, ураджайнасць ніжэйшая і праз гэта вам бракуе ежы - пакуль не з'яўляецца афіцыйнай падставай для пераезду ў іншую краіну», - дадаў ён.