«ДАІ высадзіла мяне з аўтамабіля пасярод дарогі»

Кіроўца не можа забраць з аўто нават асабістыя рэчы.

Рэдакцыя abw.by прадаўжае адказваць на пытанні сваіх чытачоў. Сёння гісторыя пра тое, як аўтамабіліст вымушаны быў дабірацца дадому на грамадскім транспарце, хоць свой шлях ён пачаў на аўтамабілі.

Чытач: «Пару тыдняў таму мяне спыніў інспектар ДАІ. Ён даволі доўга глядзеў дакументы, перапытваў, ці пражываю я па паказаным у дакументах адрасе, ці атрымліваў на гэты адрас паведамленні, а затым паведаміў, што мой аўтамабіль арыштаваны на пастанову органаў прымусовага выканання. Я пра гэта чуў упершыню. Так, у мяне былі непаразуменні з былой жонкай, можа, адтуль «вушы растуць», пазней разбяруся з гэтым. Але самае сумнае - інспектар папрасіў мяне выйсці з аўтамабіля, бо будзе ажыццёўленая яго прымусовая эвакуацыя. Не падпарадкавацца гэтаму было па-дурному, інспектар паказаў мне пастанову аб арышце з базы звестак, я забраў з аўто партфель з дакументамі і паехаў дадому на грамадскім транспарце. Папярэдне ўдакладніў, куды даставяць аўтамабіль і які менавіта судовы выканаўца яго арыштаваў. Дэталяў інспектар ДАІ мне не паведаміў, сказаў, што падрабязная інфармацыя ў выканаўцы, і даў яго кантактны тэлефон.

На наступны дзень мне спатрэбіліся некаторыя рэчы з аўтамабіля. Я пакінуў у салоне адзін з тэлефонаў. Прыбыўшы на стаянку, куды мой аўтамабіль быў змешчаны, я выклаў супрацоўнікам сутнасць пытання, але атрымаў адмову: маўляў, не маем права падпускаць да аўто. Як жа так? Я чуў, што ў выпадку прымусовай эвакуацыі ўласнік мае права бесперашкоднага доступу да свайго аўтамабіля, прычым кругласутачна, а тут мне ад варот паварот. Датэлефанавацца да судовага выканаўцы проста немагчыма: то яго няма, то слухаўку ніхто не бярэ, то занята. Давядзецца ехаць да яго ў прыёмны дзень па графіку. Ці законна са мной паступілі, не аддаўшы нават асабістыя рэчы з майго аўтамабіля?"

У выпадку прымусовай эвакуацыі транспартнага сродку і змяшчэння яго на ахоўную стаянку ўласнік аўтамабіля альбо ўпаўнаважаная ім асоба сапраўды маюць (прынамсі, павінны мець) кругласутачны доступ да аўтамабіля ў прысутнасці прадстаўніка аўтастаянкі. Гэта прадугледжана п.10 Інструкцыі аб парадку прымусовай адбуксіроўкі (эвакуацыі) транспартнага сродку і змяшчэння яго на ахоўную стаянку, адбуксіроўкі транспартнага сродку без змяшчэння яго на ахоўную стаянку і блакавання кола транспартнага сродку. Пры гэтым такі транспартны сродак вяртаецца ўласніку або ягонаму прадстаўніку на першае патрабаванне і нават без аплаты штрафу і паслуг эвакуацыі (п.11 Інструкцыі). Аднак тут ёсць адно але, звязанае з дзейнасцю органаў прымусовага выканання.

Дзеянні судовага выканаўцы ў арышце транспартнага сродку рэгламентуюцца Законам аб выканаўчай справе.

Артыкул 67. Затрыманне, прымусовая адбуксіроўка (эвакуацыя) і змяшчэнне на ахоўную стаянку арыштаванага транспартнага сродку даўжніка

У выпадку ўстанаўлення факту прыналежнасці даўжніку транспартнага сродку судовым выканаўцам ужываюцца захады для ўстанаўлення месца знаходжання гэтага транспартнага сродку і накладання на яго арышту, а пры неабходнасці ажыццяўляюцца таксама затрыманне, прымусовая адбуксіроўка (эвакуацыя) і змяшчэнне на ахоўную стаянку арыштаванага транспартнага сродку даўжніка.

Пры немагчымасці ўстанавіць месца знаходжання транспартнага сродку даўжніка судовы выканаўца выносіць пастанову аб затрыманні, прымусовай адбуксіроўцы (эвакуацыі) і змяшчэнні на ахоўную стаянку арыштаванага транспартнага сродку даўжніка і накіроўвае гэтую пастанову ў дзяржаўныя органы, упаўнаважаныя ажыццяўляць затрыманне, прымусовую адбуксіроўку (эвакуацыю) транспартнага сродку і змяшчэнне яго на ахоўную стаянку.

У выпадку выяўлення арыштаванага транспартнага сродку даўжніка, у дачыненні да якога судовым выканаўцам вынесеная пастанова, указаная ў частцы другой гэтага артыкула, супрацоўнік дзяржаўнага органа, упаўнаважанага ажыццяўляць затрыманне, прымусовую адбуксіроўку (эвакуацыю) транспартнага сродку і змяшчэнне яго на ахоўную стаянку, у парадку, устаноўленым заканадаўствам, затрымлівае гэты транспартны сродак і ажыццяўляе яго прымусовую адбуксіроўку (эвакуацыю) і змяшчэнне на ахоўную стаянку.

Паколькі чытач уважаецца за даўжніка, як высветлілася – на падставе маёмаснага пазову былой жонкі, судовы выканаўца ўжыў захады для вышуку яго маёмасці і наклаў на яе арышт сваёй пастановай. Гэты дакумент накіроўваецца для выканання ў ДАІ. Пры выяўленні такі аўтамабіль падлягае прымусовай эвакуацыі і змяшчэнню на ахоўную аўтастаянку.

Цяпер аб тым, чаму ўладальніку адмовілі ў праве забраць з аўто яго рэчы. Справа ў тым, што ў выпадках, калі аўтамабіль змешчаны на стаянку паводле пастановы судовага выканаўцы, доступ уласніку транспартнага сродку не дазваляецца (п.30 інструкцыі). Уласнік мае права атрымаць транспартны сродак толькі пры скасаванні пастановы судовага выканаўцы ці падачы дакумента, які пацвярджае такое скасаванне. Прычым гэта не пазбаўляе яго ад абавязку аплаціць паслугі па эвакуацыі і захоўванні аўтамабіля (п.33 інструкцыі).

Так што трэба было свае рэчы забіраць з аўто загадзя, да яго прымусовай эвакуацыі інспектарам ДАІ. Цяпер жа давядзецца ўсе пытанні развязваць з судовым выканаўцам, а гэта вельмі няпроста, бо ў якасці ўмовы судовы выканаўца можа запатрабаваць выплаты пазыкі. Акрамя таго, ён можа накласці арышт і на маёмасць, якая знаходзіцца ў аўто, у якасці забеспячэння выплаты пазыкі, калі кошт аўто не кампенсуе яе, і толькі потым выдаць на рукі дакумент аб скасаванні пастановы аб арышце.