Андрэй Войніч: 25 гадоў – велізарны тэрмін, час вярнуць свабоду

Чаму «Еўрапейская Беларусь» нагадвае пра свае мэты.

Блізу 20 актывістаў грамадзянскай кампаніі «Еўрапейская Беларусь» правялі ўчора збор подпісаў у цэнтры Менска, паведамляе сайт грамадзянскай кампаніі «Еўрапейская Беларусь».

«25 гадоў намі кіруе дыктатар Лукашэнка. Гэта велізарны тэрмін. Прыйшоў час вярнуць сабе волю. Стаўце подпісы за кандыдатаў ад “Еўрапейскай Беларусі”. Нашы галоўныя мэты – змена ўлады на ўсіх узроўнях, закрыццё АЭС у Астраўцы і забеспячэнне годнага ўзроўню жыцця для беларусаў на радзіме. Разам мы зможам дамагчыся іх», – сказаў у сваім выступе адзін з актывістаў Андрэй Войніч.