Кошты на нафту знізіліся пасля ранішняга скачка

Кошт ф'ючарсаў Brent знізіўся да $ 65,25 за бараль.

Сусветныя кошты на нафту крыху знізіліся пасля рэзкага росту раніцай. Пра гэта сведчаць звесткі гандлю. Кошт ф'ючарсаў на нафту маркі Brent знізіўся да $ 65,25 за бараль, паведамляе unian.net.

Нагадаем, кошты на нафту на адкрыцці гандлю на біржы ICE у Лондане паказалі рэзкі рост пасля таго, як Саудаўская Аравія скараціла здабычу на фоне атакі дронаў на заводы Saudi Aramco.

Кошт ф'ючарсаў на нафту маркі Brent з пастаўкай у лістападзе вырас на 13,86%, да $ 69,91 за бараль.

Пры гэтым у першыя хвіліны гандлю кошт нафты Brent дасягаў значэння $ 71,95 за бараль. На папярэднім закрыцці ён складаў крыху больш за $ 60 за бараль.

Кошт кастрычніцкага ф'ючарса на нафту маркі WTI павялічыўся на 11,23% – да $ 61,79 за бараль (супраць амаль $ 55 на папярэднім закрыцці). Раней аналітыкі і трэйдары заявілі Reuters, што кошты на нафту падскочаць на $ 5–10 за бараль пры адкрыцці гандлю ў панядзелак, 16 верасня.

Пры гэтым яны дапусцілі, што ў доўгатэрміновай перспектыве кошты могуць падняцца і да $ 100 за бараль у тым выпадку, калі Саудаўская Аравія не зможа хутка аднавіць пастаўкі нафты.

На ўсходзе Саудаўскай Аравіі ў выніку атакі беспілотнікаў адбыліся пажары на двух нафтаперапрацоўчых прадпрыемствах нацыянальнай кампаніі Saudi Aramco.