Арцём Мілеўскі – Андрэю Шаўчэнку: Мікалаіч, час
1- 16.09.2019, 12:12
- 10,083
Форвард берасцейскага «Дынама» хоча вярнуцца ў зборную Украіны.
Форвард берасцейскага "Дынама" Арцём Мілеўскі адрэагаваў на інтэрв'ю галоўнага трэнера нацыянальнай каманды Украіны Андрэя Шаўчэнкі. Напярэдадні спецыяліст расплывіста адказаў пра магчымае вяртанне нападніка ў нацыянальную каманду, піша "Прессбол".
"Мікалаіч, час", – напісаў Мілеўскі ў сваім інстаграм-запісе.
Нагадаем, галоўны трэнер зборнай Украіны Андрэй Шаўчэнка не стаў адназначна адказваць на пытанне, ці змогуць заўзятары ўбачыць у складзе нацыянальнай каманды Яўгена Хачэрыдзі і форварда берасцейскага "Дынама" Арцёма Мілеўскага.
"Цяжка сказаць. Перш за ўсё яны павінны канкураваць. Калі ёсць выбар на пэўную пазіцыю, то я аддаю перавагу маладым хлопцам. Акрамя гэтага важна, каб гульцы ўжо прайшлі з намі пэўны шлях, разумелі нашы прынцыпы і патрабаванні. Цяпер усё менш часу на падрыхтоўку", – сказаў Шаўчэнка.