18-гадовы Аляксей Протас прызнаны першай зоркай у дэбютнай гульні за «Вашынгтон»
- 17.09.2019, 11:15
- 8,105
У актыве беларускага хакеіста – гол і дзве выніковыя перадачы.
Беларускі форвард Аляксей Протас прызнаны першай зоркай першага выставачнага матчу "Вашынгтона" гэтай восенню, піша pressball.by.
У гульні з "Чыкага" ён знаходзіўся на лёдзе 14 хвілінаў 11 секундаў, у тым ліку 2 хвіліны 49 секундаў у большасці. У актыве Протаса – гол і дзве выніковыя перадачы!
За вечар Аляксей, які гуляў пад 59-м нумарам у тройцы з Джо Снайвлі і Бекам Маленсцінам, тройчы кідаў у браму. "Вашынгтон" перамог у "Чыкага" з лікам 4:3 (0:1, 3:2, 0:0, 1:0).