8 прадуктаў, якія спальваюць тлушч хутчэй за любыя дыеты

Каб худнець – дастаткова проста выбіраць правільныя прадукты.

Не сядзець на дыетах, паўнавартасна харчавацца і пры гэтым худнець – не фантастыка, а адзіна магчымы здаровы спосаб не толькі страціць лішнія кілаграмы, але і захаваць дасягнутую зграбнасць. А для таго, каб вага сыходзіла яшчэ хутчэй, варта дадаць у штодзённы рацыён прадукты, якія прымушаюць наш арганізм больш актыўна спальваць тлушч, піша сайт healthinfo.ua.

Часнок і цыбуля

У склад гэтай духмянай гародніны ўваходзіць аліцын, які не толькі надае ім спецыфічны рэзкі смак і пах, але і забяспечвае паскоранае пераўтварэнне назапашанага тлушчу ў энэргію. Так што дадавайце свежую цыбулю і часнок у свае стравы – гэта карысна не толькі для здароўя, але і для фігуры.

Чырвоныя апельсіны

Вітамін С, якога шмат у цытрусавых і асабліва ў чырвоных апельсінах, дапамагае хутка знізіць узровень гармону стрэсу картызолу. Чым гэта дапамагае схуднець? Рэч у тым, што картызол стымулюе арганізм назапашваць тлушч, прычым часцей за ўсё – у таліі (нездарма ёсць нават спецыяльны тэрмін – «картызолавы жывот»). І чым меншы ўзровень картызолу, тым прасцей арганізму расставацца з тлушчам.

Марскія водарасці

У іх мала калорый і шмат ёду – мінералаў, які неабходныя для паўнавартаснай працы шчытападобнай залозы. А менавіта парушэнне функцыі шчытавіцы – адна з самых распаўсюджаных прычынаў залішняй вагі, з якой цяжка справіцца. Але важна памятаць, што пры некаторых захворваннях шчытападобнай залозы прадукты з высокім утрыманнем ёду могуць быць небяспечныя для здароўя.

Востры перац

Капсаіцын – злучэнне, якое ўтрымлівацца ў вострым перцы – здольнае стымуляваць метабалізм. Больш за тое, людзі, якія ядуць вострую ежу, наталяюцца хутчэй – і ў выніку з'ядаюць менш, чым тыя, хто аддае перавагу прэсным стравам.

Кава і чорная гарбата

Кафеін таксама здольны павысіць хуткасць абмену рэчываў – і мы будзем спальваць больш калорый нават у стане спакою. Але важна не перавышаць рэкамендаваную дозу, бо ў вялікіх колькасцях ён здольны стрымліваць выпрацоўку сератаніну.

Куркума

Адзін з актыўных інгрэдыентаў гэтай ярка-жоўтай вострай прыправы, куркумін, дапамагае змагацца з запаленнем шляхам стрымання развіцця крывяносных судзінаў. Больш за тое, куркума вельмі карысная для валасоў і скуры і нават дапамагае змагацца з мігрэнямі.

Вада

Калі вы сур'ёзна надумалі заняцца сваім здароўем і фігурай, без вады не абысціся. Па-першае, яе недахоп можа прывесці да ўтварэння ацёкаў, па-другое, яна спаталяе смагу і не падымае ўзровень цукру ў крыві – у адрозненне ад сокаў ці іншых напояў. Нарэшце, калі выпіваць шклянку вады кожны раз, калі захочацца есці, у выніку будзе з'едзена менш: і таму, што частка страўніка будзе занятая вадой, і таму, што мы часта прымаем смагу за пачуццё голаду.

Аліўкавы алей

Монаненасычаныя тлушчы – абавязковы кампанент любога здаровага рацыёну. Тлушч неабходны нашаму арганізму, і калі мы не атрымаем яго з здаровых прадуктаў, цела прымусіць нас «здабываць» яго з шкоднага фастфуду і смажанай ежы, напоўненай небяспечнымі транс-тлушчамі. Аліўкавы алей – чэмпіён ва ўтрыманні карысных тлушчаў, якія не толькі захоўваюць нашу фігуру, але і клапоцяцца пра здароўе сэрца і судзінаў.