Як выглядае Гарадзенскі замак пасля двух гадоў «адраджэння»
13- 18.09.2019, 11:40
- 19,687
Рэзідэнцыю Вітаўта і Стэфана Баторыя літаральна адбудоўваюць нанова.
Стары замак у Гародні вельмі змяніўся за апошнія два гады. Рэзідэнцыя вялікага князя літоўскага Вітаўта і караля Рэчы Паспалітай Стэфана Баторыя абрастае новымі сценамі і вежамі – яе літаральна адбудоўваюць зноўку, паведамляе "Еўрарадыё".
Замку імкнуцца вярнуць выгляд, страчаны ў XVI стагоддзі. Вось як ён выглядае пасля двух гадоў "адраджэння":
Рэканструкцыя праходзіць у тры этапы. Працы на ўязной і сярэдняй вежах, а таксама на паўднёвай сцяне замка заканчваюцца.
"Мы нарэшце вызначылі склад фінішнай тынкоўкі на рэстаўраванай частцы, – апавядае Алег Шымбарэцкі, галоўны архітэктар праекта рэстаўрацыі Старога замка. – Гэтая праца заняла два з паловай гады. Аналізы, падрыхтоўка рэцэптуры, магчымасць выканання".
Летась у Гародні скончылася рэстаўрацыя яшчэ аднаго гістарычнага помніка – Каложскай царквы XII стагоддзя. Будаўнікі ўмацавалі падмурак царквы, а драўляную сцяну, якой два стагоддзі таму замянілі частку будынка, што абвалілася ў Нёман, памянялі на новую.