Байдэн і Уорэн палепшылі свае пазіцыі перад выбарамі прэзідэнта ЗША
- 18.09.2019, 13:38
- 6,438
Абодва кандыдаты сталі адзінымі дэмакратамі, чыя падтрымка значна ўзрасла.
Новае сацыялагічнае даследаванне паказала, што кандыдаты ў прэзідэнты ЗША ад Дэмакратычнай партыі экс-віцэ-прэзідэнт Джон Байдэн і сенатарка Элізабэт Уорэн лідаруюць перад праймерыз, піша zn.ua.
Новае апытанне Wall Street Journal/NBC News паказвае, што Байдэн лідаруе з 31%, у Уорэн 25%. У Берні Сандэрса 14%, Піт Буціджыча 7%, у Камалы Харыс 5%, Эндру Янга 4%, Коры Букера 2%, Эмі Клабучар 2% і Бета О'Рурка 1%.
Байдэн і Уорэн былі адзінымі кандыдатамі, чыя падтрымка значна ўзрасла пасля ліпеньскага апытання. Але паказчыкі энтузіязму выбаршчыкаў у дачыненні Уорэн узраслі цягам года, у той час як яны зніжаліся для Байдэна.
Толькі 9% усіх рэспандэнтаў-дэмакратаў кажуць, што яны зрабілі свой канчатковы выбар адносна кандыдата той партыі на выбарах у прэзідэнты ЗША, якія адбудуцца ў лістападзе 2020 года.
Чытайце таксама: Трамп ідзе на выбары без палітычнага парадку дня - New York Times
Прэзідэнцкія выбары ў ЗША пройдуць у 2020 годзе. Да праймерыз Рэспубліканскай партыі рыхтуюцца тры кандыдаты, уключна з самім Трампам. Да праймерыз Дэмакратычнай партыі рыхтуецца 21 кандыдат. Таксама ў выбарах прэзідэнта ЗША будуць удзельнічаць 8 кандыдатаў ад Лібертарыянскай партыі, 7 кандыдатаў ад Партыі Зялёных, 3 кандыдата ад партыі Амерыканскай салідарнасці і два незалежныя кандыдаты.
Прэзідэнцкія выбары запланаваныя на 3 лістапада 2020 года. У іх можа быць абраны 46-ы прэзідэнт ЗША (у выпадку, калі Дональд Трамп не будзе абраны на другі тэрмін). Згодна з Другім артыкулам Канстытуцыі ЗША, для абрання прэзідэнтам Злучаных Штатаў Амерыкі асоба павінна быць грамадзянінам ЗША з нараджэння, не маладзейшай за 35 гадоў, якая пражыла на тэрыторыі краіны не менш за 14 гадоў.
Часцей за ўсё кандыдаты вылучаюцца ад адной з палітычных партый ЗША падчас праймерыз - інстытут першасных прэзідэнцкіх выбараў, паводле вынікаў якіх накіроўваюцца дэлегаты на агульнанацыянальную партыйную канвенцыю, дзе павінен быць вызначаны адзіны партыйны кандыдат у прэзідэнты.
