Псіхолагі назвалі гульню, якая ўратуе ад дрэннага настрою

У даследаванні, праведзеным у Кітаі, удзельнічалі 11 тысяч чалавек 45 гадоў і старэйшых.

Людзям у дэпрэсіі можа быць карысна гуляць ва ўсходнюю стратэгічную гульню маджонг, заявілі амерыканскія і кітайскія псіхолагі.

У даследаванні, праведзеным у Кітаі, удзельнічалі 11 тысяч чалавек 45 гадоў і старэйшых. Навукоўцы супаставілі паказчыкі псіхічнага здароўя і розныя тыпы вольнага часу. Напрыклад, валанцёрства, сустрэчы з сябрамі, спартовыя мерапрыемствы, піша «Нож».

Гульня ў маджонг выявілася адным з самых карысных заняткаў для добрага самаадчування. Што цікава, маджонг прынёс больш карысці гарадскім жыхарам, чым сельскім. На думку навукоўцаў, гэта звязанае з тым, што ў вёсках у маджонг часта гуляюць на грошы.

У Кітаі псіхічныя разлады - вострае пытанне. На краіну прыпадае амаль 17% сусветных выпадкаў захворвання на псіхічныя разлады.

Маджонг - азартная гульня з выкарыстаннем ігральных костак для чатырох гульцоў. Шырока распаўсюджаная ў Кітаі, Японіі і іншых краінах Азіі. Паводле правілаў гульня нагадвае покер, патрабуе такія якасці, як досвед, памяць і ўважлівасць. У гульні ёсць і выпадковы фактар. Задача гульцоў - набраць найбольш каштоўную камбінацыю з зададзенага набору костак.