22 кастрычнiка 2019, aўторак, 18:01
Мы ў адной лодцы
Рубрыкі

Жыхар Гародні: Мне сорамна за Лукашэнку і ўсіх яго прызначэнцаў

24
Жыхар Гародні: Мне сорамна за Лукашэнку і ўсіх яго прызначэнцаў

Адкрыты ліст да дыктатара.

Жыхар Гародні Касабуцкі Аляксей Станіслававіч звярнуўся з адкрытым лістом да беларускага дыктатара. Сайт Charter97.org публікуе зварот беспрацоўнага да Лукашэнкі:

«Мне сорамна за вас асабіста і за ўсіх вашых прызначэнцаў!

Я вас і вашу палітыку падтрымліваў, як мог, доўгія гады.

Я слепа верыў, што вы і вашы набліжаныя прызначэнцы хочуць дабра Беларусі, але такія «верныя слугі» Рэспублікі Беларусь, як безгаспадарчасць, хабарніцтва, халатнасць і кругавая парука чыноўнікаў і сілавых структур і іх сваякоў рэальна кіруюць краінай, а ніяк не вы, Аляксандр Рыгоравіч!

Час паказаў, што вы атачылі сябе недзеяздольнай світай, якая не хоча працаваць, а глядзіць, дзе б пабольш урваць, скрасці, разваліць, напоўніць свае кішэні ў Беларусі і за мяжой.

І Беларусь паступова ператварылася ў вялікую ферму быдла, дзе рэальна загаджанае ўсё прадстаўнікамі ўлады ды іх сваякамі.

І дзеянні недзеяздольнай улады адмоўна адбіваюцца на краіне. Гэта агнём трэба выпальваць, але вы, на жаль, або сляпыя, ці гэта ваш рэальны план кіраўніка краіны.

Так, я цалкам расчараваўся ў вас, у вашай адміністрацыі, якая ці не дае вам чытаць мае лісты, ці вы глядзіце на ўсё толькі скрозь пальцы.

Вы не хочаце добрага жыцця для тых, хто жыве ў Беларусі: і для грамадзян, і для не грамадзян. Вы як быццам у іншым свеце або з іншай планеты.

Становішча спраў у Рэспубліцы Беларусь моцна пагаршаецца з кожным днём, нягледзячы на казкі на тэлевізіі. Добра жывецца толькі людзям пры ўладзе ды іх сваякам.

А мы, людзі, што жывём у Беларусі - усяго толькі статак для вас, вашай адміністрацыі і людзей у пагонах, што закліканыя нас абараняць і, дарэчы, не за малы заробак.

Але ўсё ўсюды ў Беларусі прагніло.

Трэба нешта мяняць. І не на паперы і на тэлевізіі, а рэальна мяняць, каб не чуць усюды і паўсюль ад вашых жа прызначэнцаў, што «рыба гніе з галавы», а яны, чыноўнікі, толькі прадаўжэнне гэтай гнілой рыбы.

Вы ўвогуле - «прэзідэнт» Рэспублікі Беларусь або проста чалавек з тэлевізара, які са сваімі сябрукамі вяшчае нам пра чарговы «рай» у Беларусі?

Навошта вы нам такі?

Няма ў вас патрэбы.

Бог нам усім суддзя.

Ну цяпер вы мяне дакладна пасадзіце або выганіце з краіны.

Занадта шмат да гэтага мяне палохалі, білі і затуляліся вашым імем, Аляксандр Рыгоравіч.

З павагай да Беларусі, Касабуцкі Аляксей Станіслававіч, горад Гародня, беспрацоўны».