22 верасня 2019, Нядзеля, 11:51
Мы ў адной лодцы
Рубрыкі

Топ-5 самых карысных прадуктаў верасня

4
Топ-5 самых карысных прадуктаў верасня

Адзін з іх - гарбуз.

На дварэ - першы месяц восені. Самы цёплы, самы шчодры і самы багаты на сезонныя прадукты. Мы раскажам пра самыя карысныя дарункі пачатку новага сезону, піша сайт ivona.bigmir.net.

Арэхі. Верасень - сезон ляшчыны і грэцкага арэха. Грэцкія арэхі карысныя для здароўя сэрца і сасудаў за кошт высокага ўтрымання ў іх антыаксідантаў. Грэцкія арэхі ўтрымліваюць вітаміны групы А, Е, В, Р, С, мінеральныя рэчывы: калій, натрый, фосфар, жалеза, магній, кальцый, ёд. Гэтыя арэхі складаюцца на 60% з тлушчаў, аднак, большай часткай гэта тлушчы ненасычаныя.

А з ляснымі арэхамі ў пажыўнай каштоўнасці могуць зраўняцца нешматлікія прадукты: бялку ў іх больш, чым у мясе, а тлусты алей знайшоў сваё выкарыстанне ў касметалогіі, бо яго ўжыванне хутка вяртае маладосць і роўнасць скуры твару і цела.

Гарбуз. Духмяная гарбузовая мякаць багатая на вітаміны. Ёсць у ёй і вітамін С, які выратуе ад восеньскіх прастудаў, і вітаміны групы В, якія не толькі справяцца са стомленасцю, раздражняльнасцю і бессанню, але і зробяць валасы пышнымі, а пазногці дужымі, і вітаміны А і Е - галоўныя барацьбіты з маршчынамі і заўчасным старэннем, і вітамін К, што ўплывае на згусальнасць крыві, якога практычна няма ў іншай гародніне.

У гарбузу ўтрымліваюцца карацін, пекціны, якія дапамагаюць выводзіць халестэрын з арганізма, мінералы, рэдкія вітаміны Т і К, а таксама С, В1, В2, В5, В6, Е, РР. Гарбуз карысны пры гіпертаніі, а паўшклянкі свежага гарбузовага соку, змяшанага з 2 ст. л. мёду, карысна прымаць на ноч - такая сумесь супакойвае нервовую сістэму.

Вінаград. Ён адрозніваецца і выдатным смакам, і незвычайнай карысцю. Гэта выдатны агульнаўмацавальны і танізавальны сродак.

У вінаградзе ўтрымліваюцца цукар, клятчатка, арганічныя кіслоты, аскарбінавая кіслата, вітамін В, пекцінавыя рэчывы, мікраэлементы, ферменты. Устаноўлена, што вінаград стымулюе дзеянне касцянога мозгу. Гэта спрыяе паляпшэнню функцый крывятворных органаў. Вінаград - добрая крыніца калію.

Яблыкі. Яблыкі, як большасць садавіны, практычна не ўтрымліваюць тлушчу, бо на 87% складаюцца з вады, у іх мала калорый, так што калі замяніць яблыкам тлусты, салодкі і каларыйны дэсерт, цалкам можна схуднець.

У яблыках (асабліва, у нядаўна сарваных) даволі шмат вітамінаў (А, С, В). колькасць вітаміну С залежыць ад гатунку яблыкаў, ад тэрміну захоўвання і іншых фактараў. У некаторых гатунках да 300% больш вітаміну С, чым у іншых. У сезон яблыкі ўтрымліваюць больш вітаміну С, чым пасля доўгага захоўвання.

Мёд. Гэта, бясспрэчна, смачны і карысны прадукт. Бясшкодны заменнік цукру, мёд валодае велізарнай пажыўнай каштоўнасцю і вельмі карысны для здароўя.

Мёд змяшчае шэраг мінералаў (калій, магній, кальцый, серу, хлор, натрый, фасфат і жалеза). Акрамя таго, мёд багаты на вітаміны B1, B2, B6, B3, B5 і C. Канцэнтрацыя гэтых карысных рэчываў у мёдзе залежыць ад якасці нектару і пылку. Акрамя нязначнай колькасці медзі, ёду і цынку, мёд таксама змяшчае некаторыя натуральныя гармоны.