«Трэба судзіць за абразу»: Што кажуць у Менску пра настаўніцу з партай
13- 20.09.2019, 9:40
- 19,996
Журналісты спыталі меркаванне мінакоў пра скандальную гісторыю ў Гомелі.
Журналісты «Радыё Свабода» распыталі на вуліцах Менска, як людзі ставяцца да сітуацыі з гомельскай настаўніцай, якая абразіла вучня.
13 верасня сайт «Моцныя навіны» апублікаваў відэа, знятае ў сярэдняй школе №15 Гомеля. На ім настаўніца падчас урока расейскай мовы ў 4-м класе трымае над вучнем парту і матам пагражае яму: «Трэсну, а потым паглядзім! Я пайду ў турму, а табе п...ц будзе».
Увечары таго ж дня ў школе прайшоў бацькоўскі сход. Настаўніцу звольнілі.
Праз некалькі дзён Лукашэнка назваў тое, што адбылося, здзекам з настаўніцы і распарадзіўся аднавіць яе на працы.
Дырэктарку школы звольнілі. Міністр адукацыі Ігар Карпенка папярэджаны пра няпоўную службовую адпаведнасць. Строгія папярэджанні атрымалі топ-чыноўнікі: прэм'ер-міністр Сяргей Румас, кіраўніца адміністрацыі Лукашэнкі Наталля Качанава і віцэ-прэм'ер Ігар Петрышэнка.
Ацэнку Лукашэнкам сітуацыі можна перадаць адной цытатай:
– Ды я на месцы гэтага настаўніка галаву б адкруціў шчанюку нейкаму.
Гэтыя словы вымаўленыя дыктатарам (педагогам з адукацыі) на адрас дзевяцігадовага хлопчыка, якому настаўніца пагражала матам за смех падчас урока.
Пасля жорсткага разносу ад Лукашэнкі вучня 4-га класа, які стаў удзельнікам канфлікту з настаўнікам, выклікалі ў інспекцыю ў справах няпоўнагадовых.
Нагадаем, што некалькі гадоў таму кіраўнік прызнаўся, што ў дзяцінстве стаяў на ўліку ў міліцыі.
– Я быў цяжкім вучнем. Прызнаюся: у дзіцячым пакоі міліцыі на ўліку стаяў у пераходным узросце. І калі прыходзіла жанчына – капітан міліцыі, забыўся прозвішча, мне пальцам трэсла – у мяне сэрца ў пяткі сыходзіла. Хоць я быў нахабным хлопцам, – казаў Лукашэнка два гады таму на рэспубліканскай педнарадзе.