Фотафакт: Чэргі ля крамаў Apple па новае пакаленне iPhone
2- 20.09.2019, 10:59
- 10,158
iPhone 11, iPhone 11 Pro і iPhone 11 Pro Max паступаюць у продаж у больш чым 30 краінах свету.
Кампанія Apple пачала раздробны продаж новага пакалення смартфонаў iPhone 11, iPhone 11 Pro і iPhone 11 Pro Max, прадстаўленых на спецыяльным мерапрыемстве ў Куперціна 10 верасня, піша «УНІАН».
Ад сёння, 20 верасня, іх можна знайсці ў крамах Apple і аўтарызаваных раздробных партнёраў больш чым у 30 краінах.
Навінкі ўжо пачалі прыбываць першым пакупнікам, якія аформілі папярэднія заказы. Нагадаем, предзаказы былі адкрытыя ў мінулую пятніцу, 13 верасня, таксама ў больш чым 30 краінах. Паводле звестак вядомага аналітыка Мін-Чы Куа, на этапе предзаказаў попыт на новыя iPhone апынуўся вельмі высокім, пры гэтым амаль палова заказаў (45%) прыйшлася на самую даступную мадэль iPhone 11. Найбольшай папулярнасцю навінкі карыстаюцца на тэрыторыі ЗША.
Традыцыйна напярэдадні пачатку продажаў прыхільнікі прадукцыі кампаніі Apple ва ўсім свеце сталі ў чэргі, каб у ліку першых набыць навінкі куперцінаўскай кампаніі. У сацсетках можна знайсці мноства фатаграфій з чэргамі каля крамаў Apple па ўсім свеце.
https://t.co/aeNACbJJaZ
— Wildreamz (@Wildreamz) 19 сентября 2019 г.
Huge lines already forming outside the #Apple Store, 24 hrs before launch, in #Singapore.
Unlike last year's staggered release.
This year's release is larger than most analysts think.#iPhone11 #iPhoneLaunch pic.twitter.com/s0LLuqBzJD
@apollozac @bzamayo @9to5mac Flagship Sydney store waiting for my online pickup! pic.twitter.com/7xHAHalc4F
— Brett Lerner (@blerns3) 19 сентября 2019 г.
#iPhone11 is only out tomorrow but there is already a line at the Singapore Apple Store and it is only going to be worse as the day passes! pic.twitter.com/FYfOkh2u9C
— Spencer Chong (@exynosx) 19 сентября 2019 г.
Продажы пачынаюцца ў розны час з улікам гадзінных паясоў. Да канца гэтага дня iPhone 11, iPhone 11 Pro і iPhone 11 Pro Max з'явяцца ў крамах усіх краінаў першай хвалі. На жаль, Украіна ў гэтыя трыццаць з лішнім краінаў не ўваходзіць.
Тры галоўныя рэчы, якімі новыя iPhone 11 адрозніваюцца ад леташніх мадэляў: новая SoC Apple A13 Bionic (пры зніжаным энэргаспажыванні яна прыкладна на 20% больш хуткая за папярэдніцу), палепшаныя камеры (здвоеная ў iPhone 11 і трайная ў iPhone 11 Pro і 11 Pro Max) і акумулятары падвышанай ёмістасці, якія забяспечваюць навінкам прыкметна больш доўгі час працы без падзарадкі.
У выпадку iPhone 11 на выбар даступныя шэсць колераў корпуса: белы, чорны, жоўты, чырвоны (Product Red), светла-фіялетавы і мятны. Старэйшыя мадэлі iPhone 11 Pro і iPhone 11 Pro Max прапануюцца ў новым зялёным колеры (Midnight Green), а таксама белым, цёмна-шэрым і залатым.
У ЗША кошт iPhone 11 стартуе з адзнакі $ 699 (на $ 50 танней за стартавы кошт iPhone Xr), кошты на iPhone 11 Pro і 11 Pro Max пачынаюцца з адзнакі $ 999 і $ 1099.
Застаецца дадаць, што адначасова з новымі iPhone 11 пачаліся продажы новых разумных гадзіннікаў Apple Watch 5. Новая мадэль гадзіннікаў адрозніваецца экранам, які ўключаны заўсёды і пры гэтым трымаецца ўсё тыя ж 18 гадзінаў на адным зарадзе.
