20 кастрычнiка 2019, Нядзеля, 2:36
Мы ў адной лодцы
Рубрыкі

«У нас усё ў падвешаным стане»

9
«У нас усё ў падвешаным стане»
ФОТА: KP.BY

У гомельскай школе дагэтуль не ведаюць, хто будзе дырэктарам.

У школе СШ №15 Гомеля дагэтуль не ведаюць, ці звольненая афіцыйна дырэктарка Марына Чарненка і хто будзе выконваць яе абавязкі.

Ні Марыны Чарненкі, ні намесніцы дырэктара СШ №15 Людмілы Яўсеенкі на працоўных месцах няма. Сакратарка ў прыёмнай не змагла распавесці, ці прыйшоў афіцыйны загад аб звальненні Чарненкі і хто цяпер выконвае яе абавязкі.

«У школе ніхто нічога не ведае, у нас усё ў падвешаным стане», - паведамілі belsat.eu.

Па яшчэ аднаму кантактнаму нумару, які знаходзіцца на сайце школы, журналістам адказала сацыяльны педагог. Пра тое, хто цяпер выконвае абавязкі дырэктара школы, яна таксама нічога не ведае. Аднак паведаміла, што Людмілу Яўсеенку сёння раніцай выклікалі ў выканкам.

У аддзеле адукацыі Навабеліцкага раёна Гомеля таксама адмовіліся расказаць, хто цяпер выконвае абавязкі дырэктара школы.

Нагадаем, 12 верасня падчас урокаў настаўніца СШ №14 Людміла Чацвярткова вылаяўся на вучня чацвёртага класа з пагрозамі забіць яго партай. Пасля публікацыі відэа школу наведала камісія з аблвыканкама, настаўніцу звольнілі.

18 верасня стала вядома, што асабістым загадам Лукашэнкі настаўніцу аднавілі на працы, але звольнілі дырэктарку школы. Звольнілі таксама некаторых абласных і гарадскіх чыноўнікаў Гомеля. Папярэджанні ад Лукашэнкі атрымалі прэм'ер-міністр, кіраўнік адміністрацыі Лукашэнкі і віцэ-прэм'ер, які курыруе галіну. Міністра адукацыі папярэдзілі аб няпоўнай службовай адпаведнасці.