Пралукашэнкаўскім кандыдатам не дапамагае нават адмінрэсурс
14- 20.09.2019, 15:49
- 29,341
Настаўнікаў прымушаюць збіраць подпісы за экс-кіраўніка БТ.
Як паведаміў у «Фэйсбуку» кіраўнік Беларускай сацыял-дэмакратычнай партыі (Грамада) Ігар Барысаў:
- На офіс Беларускай сацыял-дэмакратычнай партыі (Грамада) патэлефанаваў неабыякавы грамадзянін, які распавёў, што за старшыню «Белай Русі» Генадзя Давыдзьку адправілі са школы №178 на збор подпісаў у ягоную падтрымку 70 настаўнікаў.
За збор подпісаў кожнаму абяцалі адгул.
Настаўнікі наракаюць на абыякавасць грамадзян да кандыдатуры Генадзя Давыдзькі.
Адна з настаўніц кажа, што за цэлы дзень збору подпісаў у ягоную падтрымку падпісаўся толькі 1 чалавек і тое з павагі да настаўніцы!