14 кастрычнiка 2019, панядзелак, 17:32
Мы ў адной лодцы
Рубрыкі

Прэзідэнт Ізраіля прапанаваў партыям «Лікуд» і «Кахоль-Лаван» увайсці ў кааліцыю

Прэзідэнт Ізраіля прапанаваў партыям «Лікуд» і «Кахоль-Лаван» увайсці ў кааліцыю
РЭЎВЕН РЫЎЛІН

Рэўвен Рыўлін прадаўжае кансультацыі з лідарамі палітычных партый Ізраіля.

Прэзідэнт Ізраіля Рэўвен Рыўлін заявіў, што ў новы ўрад пасля ўсеагульных выбараў 17 верасня павінны ўвайсці як прадстаўнікі партыі «Лікуд», якую ўзначальвае прэм'ер Біньямін Нетаньяху, так і «сіне-белыя» на чале з Бені Ганцам. Пры такім складзе ўрада можна будзе, на думку прэзідэнта, дабіцца ўстойлівай кааліцыі, паведамляе svoboda.org.

Рыўлін выступіў са сваімі каментарамі падчас сустрэчы з прадстаўнікамі палітычных партый. Прэзідэнт Ізраіля, як піша агенцтва AFP, хацеў пачуць ацэнкі партыйных лідараў аб тым, хто павінен стаць кіраўніком урада пасля парламенцкіх выбараў. Партыя «Лікуд» здабыла на выбарах 31 дэпутацкі мандат. Апаненты Нетаньяху дамагліся 33 месцаў у парламенце. AFP называе такі вынік «тупіковым», бо аніводная з дзвюх вядучых партый не зможа сфармаваць дзеяздольную кааліцыю.

Гэта выклікала асцярогі, што давядзецца склікаць трэція сёлета парламенцкія выбары.

Прэзідэнт Рэўвен Рыўлін прадаўжае кансультацыі з лідарамі палітычных партый Ізраіля, каб вызначыць: каму даверыць фармаванне ўрада. Кіраўнік дзяржавы заявіў, што зробіць усё магчымае, каб пазбегнуць новых пазачарговых парламенцкіх выбараў.