«Сутыкнуліся чатыры аўто, адно згарэла»: Пад Добрушам кіроўца наважыў «павучыць» жанчыну

Ва ўстанаўленні дэталяў ДТЗ дапамаглі запісы відэарэгістратараў.

Сталі вядомыя падрабязнасці маштабнага ДТЗ пад Добрушам з удзелам чатырох аўто. Да аварыі прывяло жаданне аднаго кіроўцы правучыць іншага, піша tut.by.

Як распавялі ў ДАІ, вінаватым у ДТЗ выявіўся кіроўца «Волгі». Мужчыну зачапіла, што Peugeot, які выязджаў з аўтазапраўкі, не саступіў яму дарогу. Апярэдзіўшы па паласе разгону аўтамабіль, мужчына ўбачыў за стырном жанчыну і захацеў яе правучыць - падрэзаў, а затым імкліва націснуў на тормаз і так некалькі разоў. Пасля чаго з'ехаў.

Кіроўца Peugeot скінула хуткасць да 20 км/г. Гэтак жа паступіў і кіроўца наступнай за ёй Toyota Camry. А вось грузавік з прычэпам, які ехаў ззаду, прытармазіць не паспеў. Яго кіроўца стаў сыходзіць направа, зачапіў Toyota і вылецеў у кювет. Легкавік жа ад удару разгарнула на дарозе і вынесла на сустрэчную паласу, дзе ён сутыкнуўся з другога фурай і ад удару загарэўся. Чацвёртым удзельнікам ДТЗ стаў фургон, які перавозіць марозіва. Яго кіроўца рэзка затармазіў і з'ехаў у правы кювет.

Дзіўна, але ў такой маштабнай аварыі абышлося не толькі без ахвяр, але і без пацярпелых. А вось аўтамабілям дасталася. Уладальнікаў трох з іх чакае дарагі рамонт, а Toyota згарэла цалкам.

Устанавіць вінаватага ДТЗ здолелі па гарачых слядах з запісаў відэарэгістратараў.

За стварэнне аварыйнай сітуацыі мужчыну пагражае пазбаўленне пасведчання кіроўцы. Таксама да адміністрацыйнай адказнасці за невыкананне дыстанцыі прыцягнуць і кіроўцаў цяжкавікоў.