21 кастрычнiка 2019, панядзелак, 11:32
Мы ў адной лодцы
Рубрыкі

66 краін абавязаліся дасягнуць вугляроднай нейтральнасці да 2050 года

2
66 краін абавязаліся дасягнуць вугляроднай нейтральнасці да 2050 года
НА АДКРЫЦЦІ САМІТУ ААН АБ КЛІМАЦЕ

Краіны абавязаліся ўжываць захады для поўнай кампенсацыі выкідаў CO2.

66 краін свету ўзялі на сябе абавязацельства дасягнуць да 2050 года вугляроднай нейтральнасці. Адпаведны дакумент быў падпісаны ў Нью-Ёрку перад пачаткам саміту ААН аб клімаце ў панядзелак, 23 верасня, паведамляе інфармагенцтва AFP са спасылкай на бюро генеральнага сакратара ААН Антоніу Гутэрыша, які праводзіць саміт, паведамляе DW.

Як адзначаецца, да абавязацельстваў далучыліся таксама 10 рэгіёнаў, 102 гарады, 93 кампаніі і 12 інвестараў. Удзельнікі пагаднення маюць намер ужываць захады для скарачэння і кампенсацыі выкідаў CO2, каб дамагчыся так званага нулявога вугляроднага следу.

Саміт у абароне клімату ў Нью-Ёрку

У Нью-Ёрку 23 верасня пачаўся саміт аб праблемах змены клімату, які праводзіць генеральны сакратар ААН. Як паведамляецца на сайце канферэнцыі, у ёй возьмуць удзел сусветныя лідары, чальцы ўрадаў, фінансавых колаў, прадстаўнікі бізнэсу і грамадзянскай супольнасці.

Парыжскае пагадненне аб клімаце было прынятае ў 2015 годзе, яго асноўная мэта - не дапусціць глабальнага рост тэмпературы ў гэтым стагоддзі вышэй за 2 градусы Цэльсія ў параўнанні з даіндустрыяльным узроўнем. За верасень 2019 года да пагаднення далучыліся 186 краін.