Навукоўцы назвалі анамаліі, выкліканыя ўплывам чалавека на Зямлю

Навукоўцы апублікавалі даклад.

Павышэнне сярэдняй тэмпературы на 1,1 градуса ад узроўню даіндустрыяльнай эпохі, павелічэнне кіслотнасці акіяна на 26% і павышэнне канцэнтрацыі парніковых газаў у атмасферы прынамсі на 20% сталі вынікамі аказанага чалавекам уплыву на навакольнае асяроддзе, гаворыцца ў зводным дакладзе навукоўцаў United In Science, паведамляе ria.ru.

Даклад, апублікаваны напярэдадні кліматычнага саміту ААН, які пачне працу ў панядзелак у Нью-Ёрку, падрыхтаваны на аснове навуковых звестак, якія мае Сусветная метэаралагічная арганізацыя (СМА), Глабальны вугляродны праект (Global carbon), Праграма ААН у навакольным асяроддзі, Міжурадавая група экспэртаў у змяненні клімату (МГЭЗК), даследчая праграма FutureEarth.

«Усё большую падтрымку атрымлівае той факт, што чалавек аказвае на клімат значна большае ўздзеянне, чым меркавалася яшчэ дзесяць гадоў таму», - мяркуюць экспэрты FutureEarth.

Паводле звестак СМА, сярэдняя тэмпература на планеце вырасла на 1,1 градуса з даіндустрыяльнай эпохі з 1850 года, аднак за апошнія чатыры гады навукоўцы адзначылі паскарэнне тэмпаў пацяплення: тэмпература вырасла на 0,2 градуса ў параўнанні са звесткамі 2011-2015 гадоў.

«Глабальная эмісія ў атмасферу планеты СО2 ад выкарыстання выкапнёвага паліва працягвае расці на 1-2% штогод, а у 2018 годзе быў абноўлены гадавы максімум выкідаў», - паведамляюць спецыялісты Global Carbon.

Як удакладняе СМА, канцэнтрацыі СО2 у атмасферы працягваюць павялічвацца. Дагэтуль яны складаюць для СО2 - 146% ад узроўню да 1750 года, для CH4 (метан) - 257%, N2O (аксід азоту) - 122%.

На думку навукоўцаў, краінам неабходна весці больш актыўныя захады ў скарачэнні выкідаў СО2 і захаванню навакольнага асяроддзя, а таксама ўзмацніць спробы сабраць «лішні» СО2 ад дзейнасці чалавека з атмасферы.