Вераніка Мішчанка: На пікетах для збору подпісаў мы выцягваем людзей з «абыякавасці»
- 24.09.2019, 12:11
- 11,149
Актывістка расказала пра ўнікальныя сацыялагічныя назіранні, зробленыя за апошнія дні.
Вядомая відэамаркеталагіня, актывістка «Народнай Грамады» Мікалая Статкевіча Вераніка Мішчанка адказала ў «Фэйсбуку» на узніклую ў беларускім грамадстве дыскусію аб мэтах восеньскай вулічнай кампаніі:
«Па слядах учорашняй дыскусіі пра мэту нашай вулічнай кампаніі. Пераношу свой адказ з прывату ў сваю стужку.
Адна мэта - выбары. Сапраўдныя, сумленныя выбары. Сыход Лукашэнкі і змена ўлады. Вяртанне парламенцка-прэзідэнцкага кіравання.
Перш чым мяняць уладу, трэба мяняць светапогляд. Нашы людзі ў большасці затурканыя прапагандай. На сваіх пікетах мы выцягваем людзей з «абыякавасці». Таму мы пачалі з невялікіх, але яскравых вулічных акцый. Штодзённых, правакацыйных для ўлады...
Мне таксама вельмі цікава, наколькі мы зможам абудзіць людзей. Прынамсі, той зрэз, які я атрымала на вуліцы, унікальны ў сацыялагічным плане. Цяпер я змагу працаваць з гэтымі аўдыторыямі і далей, на працягу ўсяго года.
Статкевіч - лідэр пратэсту. Толькі за ім пакуль могуць выйсці на вуліцу. Хай не дапусцяць яго, але мы стаім, каб у людзей з'явілася рэальная магчымасць выбіраць з рэальных кандыдатаў.
Вось так было ўчора, калі я наважыла з нашым стэндам стаць каля «Белай Русі». Праз 5 хвілін вакол нас было не менш за дзясятак людзей. «Белая Русь» праз паўгадзіны згарнулася, вельмі невыгодна ім стала побач з намі. Затое ў нас віравалі спрэчкі».