Зяленскі ўжыў вета да закону аб часовых камісіях Рады падчас імпічменту прэзідэнта
4- 24.09.2019, 13:48
- 5,967
Дакумент вернуты на дапрацоўку.
Прэзідэнт Украіны Уладзімір Зяленскі ўжыў вета да закона аб часовых спецыяльных следчых камісіях Вярхоўнай Рады. Аб гэтым паведамляецца на сайце ўкраінскага парламента.
Дакумент «23 верасня вернуты з прапановамі прэзідэнта», гаворыцца ў графе аб статусе законапраекта.
Тэкст прапаноў пакуль адсутнічае.
25 красавіка Вярхоўная Рада прыняла за аснову законапраект №1098 аб часовых следчых і спецыяльных камісіях парламента, а 6 чэрвеня прагаласавала за яго ў другім чытанні і цалкам.
Дакумент вызначае прававы статус названых камісій, а таксама асновы іх дзейнасці і паўнамоцтвы. Напрыклад, ён рэгламентуе працэдуру імпічменту прэзідэнта. Законапраект устанаўлівае парадак стварэння і арганізацыі дзейнасці спецыяльнай следчай камісіі, задачай якой з'яўляецца правядзенне расследавання абставінаў учынення прэзідэнтам дзяржаўнай здрады або іншага злачынства.