Алег Сянцоў: Хачу выкарыстоўваць сваю медыйнасць для дапамогі палонным украінцам

Вядомы рэжысёр наведае для гэтага шэраг еўрапейскіх сталіц.

Украінскі рэжысёр Алег Сянцоў мае намер наведаць шэраг еўрапейскіх гарадоў, дзе плануе, напрыклад, распавядаць пра ўкраінскіх палітвязняў, якія застаюцца ў Расеі.

У інтэрв'ю Крым.Реалии ён заявіў, што будзе рабіць усё для вызвалення палонных украінцаў.

Са слоў Сянцова, ён хоча выкарыстоўваць сваю медыйнасць, каб дапамагчы зняволеным украінцам выйсці з расейскіх турмаў.

«Цяпер пакуль у мяне ёсць маё імя і мой голас, і цяпер я гэта раблю. Паслязаўтра (25 верасня - рэд.) я еду ў Берлін і буду сустракацца з людзьмі. Я еду 1 кастрычніка ў Страсбург, і ў мяне яшчэ паездкі - Лондан, Еўропу і шмат чаго. Я і тут сустракаюся. Я не моцна гэта афішую», - сказаў Сянцоў.

7 верасня 2019 года адбыўся абмен палоннымі паміж РФ і Украінай у фармаце 35 на 35.

Ва Украіну вярнуліся 35 вызваленых вязняў Крамля. Сярод іх - Алег Сянцоў, Аляксандр Кольчанка, Павел Грыб, Уладзімір Балух і іншыя.