Навукоўцы рэкамендавалі не заварваць гарбату ў пакеціках
44- 26.09.2019, 20:41
- 36,046
Даследчыкі высветлілі, што адбываецца з пакецікам пры награванні да 95 градусаў Цэльсія.
Навукоўцы Універсітэта Макгіл у Канадзе высветлілі, што пластыкавыя гарбатныя пакецікі пры награванні да 95 градусаў Цэльсія выпускаюць мільярды пластыкавых часціц і могуць нанесці сур'ёзную шкоду здароўю. Пра гэта ў чацвер, 26 верасня, паведамляе iz.ru са спасылкай на сайт Science Alert.
Спецыялісты даследавалі прадукцыю чатырох брэндаў. Пакецікі апускалі ў нагрэтую ваду на пяць хвілін, пасля чаго правяралі яе якасць. Высветлілася, што пад уздзеяннем гарачай вады пакецікі разбураліся, вызваляючы 11,6 млрд мікрачасцін (памерам 1-150 мікраметраў) і 3,1 мільярда наначасціц (100-1000 нанаметраў).
У якасці эксперыменту ў ваду змясцілі ракападобных Daphnia magna, пасля чаго ў іх былі знойдзены часціцы пластыка.