Навукоўцы адкрылі просты спосаб захаваць здароўе сэрца

Трэба ўжываць у ежу адзін прадукт.

Рэгулярнае ўжыванне ў ежу несалёных арэхаў звязанае са зніжэннем рызыкі смерці ад сэрцава-судзiнных захворванняў.

Пра гэта паведамілі навукоўцы Ісфаганскага кардыялагічнага даследчага інстытута (Іран) на кангрэсе Еўрапейскага таварыства кардыёлагаў у Парыжы (Францыя), піша hvylya.net.

Паводле інфармацыі спецыялістаў, ужыванне два разы на тыдзень такіх арэхаў, як, напрыклад, фундук, міндаль і грэцкі, звязанае са зніжэннем імавернасці смерці ад сэрцава-судзiнных захворванняў на 17 адсоткаў, у параўнанні з ужываннем арэхаў адзін раз на два тыдні. Асобна навукоўцы адзначаюць карысць сырых і несалёных ядраў.

Да такіх высноў навукоўцы прыйшлі, адсочваючы цягам 12 гадоў харчовыя звычкі 5 432 чалавек, старэйшых за 35 гадоў. Атрыманыя спецыялістамі вынікі скарэктаваныя з улікам узросту, полу, адукацыі, палення і фізічнай актыўнасці рэспандэнтаў.

Аўтары даследавання адзначаюць, што, згодна з рэкамендацыямі Еўрапейскага грамадства кардыёлагаў, штодзённае ўжыванне ў ежу блізу 30 грамаў арэхаў з'яўляецца прыкметай здаровай дыеты.

У снежні 2016 года міжнародная група апублікавала ў часопісе BMC Medicine артыкул, згодна з якім ужыванне блізу 20 грамаў арэхаў на дзень звязанае з меншай імавернасцю развіцця рака або смерці ад сэрцава-судзiнных захворванняў.