У Польшчы пабудуюць адну з самых вялікіх сонечных электрастанцый у Еўропе
6- 4.09.2019, 19:28
- 11,568
Сонечную ферму пабудуюць у Вялікапольскім ваяводстве.
У Вялікапольскім ваяводстве будзе пабудаваная найбуйнейшая ў краіне сонечная ферма і адна з найбуйнейшых сонечных электрастанцый у Еўропе з магутнасцю 600 МВт, паведамляе «Радыё Польшча».
Пагадненне аб супрацоўніцтве пры рэалізацыі праекту было падпісанае ў Варшаве прадстаўнікамі кампаніі Energia Przykona і партнёраў з Кітая і Швейцарыі. Кітайская кампанія будзе адказваць за будаўніцтва і пастаўку тэхналогій, фінансавым бокам зоймецца швейцарская кампанія.
Першыя пастаўкі электраэнэргіі з гэтага завода будуць ажыццёўлены ўжо ў 2020 годзе.