У інтэрнэце знайшлі базу з тэлефонамі 420 мільёнаў карыстальнікаў Facebook

Як гэта магло адбыцца?

У інтэрнэце ў адкрытым доступе выяўленая база звестак з тэлефоннымі нумарамі амаль 420 млн карыстачоў Facebook. Спіс, мяркуючы з усяго, быў складзены дзякуючы выкарыстанню ў незаконных мэтах функцыі пошуку сяброў праз тэлефонны нумар, паведаміў амерыканскі канцэрн у сераду, 4 верасня, дадаўшы пры гэтым, што гаворка ідзе пра старыя звесткі, паведамляе dw.com.

Гэтыя звесткі, як відаць, былі сабраныя яшчэ да таго, як у 2018 годзе Facebook адключыў магчымасць пошуку сяброў праз нумар тэлефона. У канцэрне падкрэслілі, што няма ніякіх указанняў на тое, што старонкі карыстальнікаў былі ўзламаныя.

Пакуль незразумела, хто і з якой мэтай сабраў гэты банк звестак і выклаў яго ў сетку. У ім прысутнічаюць, напрыклад, 133 млн карыстальнікаў Facebook з ЗША, 13 млн – з Вялікай Брытаніі і 50 млн – з В'етнама. У некаторых выпадках ёсць інфармацыя пра імя і поле карыстальнікаў.