23 верасня 2019, панядзелак, 19:21
Мы ў адной лодцы
Рубрыкі

У Менску святар на электрасамакаце груба парушыў правілы дарожнага руху

34
У Менску святар на электрасамакаце груба парушыў правілы дарожнага руху

Супрацоўнікі ДАІ ніяк не адрэагавалі.

У Менску святар на электрасамакаце груба парушыў правілы дарожнага руху. Відэа інцыдэнту ў рэдакцыю tut.by даслаў чытач Юры.

Як відаць з запісу, мужчына ў расе на электрасамакаце знаходзіцца ў крайняй левай паласе праспекта Незалежнасці і паварочвае налева на вуліцу Леніна. Са слоў чытача, якія знаходзіліся адразу за скрыжаваннем, супрацоўнікі ДАІ ніяк не адрэагавалі на тое, што адбываецца.

Нагадаем, раней у сталіцы на праезнай частцы праспекта Пушкіна кіроўцы заўважылі мужчыну, які ехаў на электрасамакаце з хуткасцю блізу 90 км/г. А на вуліцы Арлоўскай самакатчык ехаў з хуткасцю 75 км/г і быў зафіксаваны камерай хуткасці.

Пазней ДАІ анансавала змяненне правілаў для электрасамакатаў, якія могуць развіваць больш за 25 км/г.

- Падрыхтаваныя змяненні ў заканадаўства, якія найбліжэйшым часам набудуць моц, - паведаміў Станіслаў Салавей, афіцыйны прадстаўнік УДАІ МУС. - Гэта прылада (гаворка ішла пра электрасамакат. - Заўвага.) часам можа развіваць хуткасць да 25 км/г, а часам - значна большую. Плануецца, што, карыстаючыся прыладамі, якія развіваюць хуткасць да 25 км/г, людзі будуць прыраўноўвацца да пешаходаў. Калі гэта будуць больш магутныя прылады з электрарухавікамі, то гэта ўжо будуць транспартныя сродкі, якія будуць прыраўноўвацца да мапедаў альбо матацыклаў, на якія трэба пасведчанне кіроўцы, тэхагляд і страхоўка.

Са слоў афіцыйнага прадстаўніка УДАІ, змены ў заканадаўства ўвойдуць у дзеянне найбліжэйшым часам.