Фільм украінскага рэжысёра «Атлантыда» атрымаў адну з галоўных узнагародаў Венецыянскага кінафестывалю
2- 8.09.2019, 17:16
- 12,704
«Атлантыда» – фільм-антыўтопія, у ім апавядаецца пра перамогу Украіны ў вайне з Расеяй.
Праца ўкраінскага рэжысёра Валянціна Васяновіча "Атлантыда" атрымала прыз як найлепшы фільм праграмы "Гарызонты" на 76-м Венецыянскім кінафестывалі.
Як паведамляе censor.net.ua са спасылкай на "Гордан", спіс пераможцаў быў апублікаваны 7 верасня на афіцыйным сайце кінафестывалю.
Усяго ў праграме "Гарызонты" спаборнічалі 19 поўнаметражных і 13 кароткаметражных карцінаў.
Да ўдзелу ў "Гарызонт" запрашаюцца мастацкія і дакументальныя фільмы, якія прапануюць новыя тэндэнцыі ў развіцці сусветнага кінематографу.
"Атлантыда" – фільм-антыўтопія, у ім апавядаецца пра перамогу Украіны ў вайне з Расеяй. Дзеянне карціны адбываецца на Данбасе ў 2025 годзе. На экране дэманструюць наступствы ваенных дзеянняў, якія зрабілі тэрыторыю непрыдатнай для жыцця.
Васяновіч працаваў над фільмам як аўтар сцэнарыя, рэжысёр, аператар і прадусар. У "Атлантыдзе" здымаліся валанцёры і вайскоўцы, якія ўдзельнічалі ў баявых дзеяннях на ўсходзе Украіны.