Беларускі рэпер Сярога папрасіў украінскае грамадзянства
26- 9.09.2019, 17:33
- 21,923
Cяргей Пархоменка заявіў, што для яго «Украіна - гэта свабода».
Беларускі рэпер Сярога пакінуў праект «Танцы з зоркамі» пасля трэцяга выпуску. Пара Сяргея Пархоменкі і Адэліны Дэлі набрала найменшую суму галасоў суддзяў і гледачоў. У дзённіку выпуску Сяргей Пархоменка распавёў, што хацеў бы атрымаць украінскае грамадзянства, паведамляе РБК.
- Я нядаўна пастанавіў атрымаць украінскі пашпарт. Украіна для мяне - гэта свабода. Я хачу быць тут, сярод гэтых людзей. Украіна - гэта мая зямля, мне тут добра, - сказаў Сярога.
Сяргей Пархоменка распавёў, што менавіта ва Украіне сустрэў жанчыну, якая падарыла яму дваіх сыноў - Марка і Платона.
Варта адзначыць, што нядаўна Сярога стаў студэнтам Харкаўскага нацыянальнага аэракасмічнага ўніверсітэта «ХАІ». 13 жніўня ён падаў дакументы на факультэт самалётабудавання.