19 верасня 2019, Чацвер, 14:41
Мы ў адной лодцы
Рубрыкі

У Беларусі моцна вырас паказчык натуральнага змяншэння

15
У Беларусі моцна вырас паказчык натуральнага змяншэння

Колькасць народжаных дзяцей упала ніжэй за 100 тысяч.

Паводле звестак дэмаграфічнага штогодніка Рэспублікі Беларусь, у 2018 годзе ўпершыню за апошнія некалькі гадоў паказчык па колькасці народжаных дзяцей апусціўся ніжэй за 100 тысяч чалавек, піша tut.by.

Апошні раз гэты паказчык апускаўся ніжэй за сто тысяч у 2006 годзе (менш за сто тысяч дзяцей у год нараджалася ў краіне з 1996-га да 2006-а). Для параўнання: у 2015-м у краіне нарадзілася 119 тысяч дзяцей (12,5 на сто тысяч насельніцтва). Вялікі спад адбыўся ў 2017-м - 102,6 тысячы народжаных дзяцей пасля 117,8 тысячы ў 2016 годзе. У 2018-м нарадзілася ўжо 94 тысячы (9,9 на сто тысяч насельніцтва).

Пры гэтым колькасць тых, хто нарадзіўся ў апошнія гады моцна не мянялася. У 2013-м - 125,3 тысячы (13,2 на сто тысяч насельніцтва). У 2015-м - 120 тысяч (12,6 на сто тысяч насельніцтва), у 2018-м - 120 тысяч (12,7 на сто тысяч). Натуральнае змяншэнне ў 2015-м было мінус 1, у 2018-м - мінус 26 тысяч.

Добрая навіна ў тым, што ў краіне расце чаканая працягласць жыцця пры нараджэнні. Пяць гадоў таму гэты паказчык для беларусаў быў 72,6 года, у 2018-м - 74,5. Пры гэтым для жанчын і мужчын гэты паказчык па-ранейшаму адрозніваецца прыкладна на 10 гадоў. 69,2 года - для мужчын і 79,4 года - для жанчын у 2018 годзе, пяць гадоў таму паказчык быў 67,3 і 77,9 адпаведна.

З 2012 года ў краіне вырасла смяротнасць ад хвароб кровазвароту з 703 да 718 чалавек на сто тысяч чалавек насельніцтва. Прычым паказчык вырас менавіта сярод жанчын, сярод мужчын упаў. Больш смерцяў становіцца і ад злаякасных новаўтварэнняў - рост з 185,6 да 196 за 6 гадоў, колькасць памерлых ад раку павялічваецца як сярод жанчын, так і сярод мужчын. Павялічылася колькасць смерцяў ад цукровага дыябету - было 2,1 у 2012 годзе, стала 2,8 у 2018 годзе.

Пры гэтым трохі знізілася колькасць самагубстваў з 20,6 да 19 на сто тысяч чалавек, і значна – ад атручванняў алкаголем. У 2012-м іх было 20,3 на сто тысяч чалавек, у 2018-м - ужо 15,6.