Бягун з Ліды заняў трэцяе месца пасля 10-дзённага забегу ў Арызоне

Леанід Анацка пераадолеў больш за тысячу кіламетраў.

Бягун з Ліды Леанід Анацка паспяхова закончыў першы ў бягучым годзе ультрамарафонскі забег. За 10 дзён у амерыканскай Арызоне ён пераадолеў 1011,73 км, піша сайт newgrodno.by.

Гэты вынік дазволіў яму стаць найлепшым у сваёй узроставай катэгорыі і трэцім у абсалютным заліку. Найбольшая дыстанцыя скарылася аўстралійцы Анабэль Херварт - 1.192,16 км. «Серабро» ў «абсалюце» здабыў амерыканец Філіп Эбэртс. Яго вынік - 1.062,32 км.

Адзначым, што пераможца 10-дзённага забегу маладзейшая за Леаніда Анацку на 11 гадоў, сярэбраны прызёр маладзейшы за лідчука на 20 гадоў.

Прадстаўнік Ліды быў адзіным беларусам, якія ўзялі ўдзел у Арызонскім 10-дзённым забегу.