29 сакавiка 2024, Пятніца, 12:46
Падтрымайце
сайт
Сім сім,
Хартыя 97!
Рубрыкі

Яўген Аксянцюк пабіў клубны рэкорд «Флінта»

Яўген Аксянцюк пабіў клубны рэкорд «Флінта»

Беларус OHL падоўжыў дзейсную серыю да 15 гульняў.

Нападнік «Флінта» Яўген Аксянцюк аддаў дзве выніковыя перадачы ў хатнім матчы чэмпіянату хакейнай лігі Антарыя (OHL) супраць «Сагіна» (4:7) і падоўжыў дзейсную серыю да 15 гульняў. Тым самым беларус устанавіў новы клубны рэкорд, паведамляе pressball.by.

У гэтым жа паядынку закінутай шайбай адзначыўся «праспект» «Фларыды» Уладзіслаў Калячонак. У ягоным пасіве паказчык карыснасці -4.

Абаронца «Сагіна» Ілля Салаўёў папоўніў бамбардзірскую скарбонку «асістаў» у меншасці пры першым узяцці брамы «Флінта». Акрамя таго мянчук запісаў +5 у графу карыснасці і зарабіў 7 хвілін штрафу, бо пабіўся ў трэцім перыядзе з форвардам «Файрбердс» Райлі Пірсі.

У яшчэ адным матчы гульнявога дня «Кінгстан» Віталя Пінчука даціснуў у серыі булітаў «Оўэн-Саўнд» - 3:2. У актыве выхаванца жлобінскага хакея галявая перадача пры паказчыку карыснасці 0.

Напісаць каментар

Таксама сачыце за акаўнтамі Charter97.org у сацыяльных сетках